یہ قصوں میں جو دکھ اٹھانے بندھے ہیں
یہ قصوں میں جو دکھ اٹھانے بندھے ہیں سو الفت ہی کے سب فسانے بندھے ہیں قفس میں سنو لو اسیران کہنہ بہ ہر شاخ نو آشیانے بندھے ہیں خدا جانے اس گھر میں کیا ہے کہ جس کے کئی در کے آگے دوانے بندھے ہیں وہ آنسو ہیں اپنے کہ سب کی گرہ میں کئی موتیوں کے خزانے بندھے ہیں ہوا یہ دیار محبت کی بگڑی کہ سب رہنے والوں کے شانے بندھے ہیں ملاقات کیا ہو رہے ٹھور بس ہم کہ جانے کے واں تو ٹھکانے بندھے ہیں لگیں کیوں نہ تیر نگہ دل جگر پر کہ اس چشم کے یہ نشانے بندھے ہیں فلک تیرے ہاتھوں بڑے تھے جو دانا سو اب ان کے پلوں میں دانے بندھے ہیں غضب سادہ رویوں کی ہے سادگی بھی کہ پھینٹے عجب صوفیانے بندھے ہیں ہوئی گھر میں شادی تمہارے تو ایسی کہ جس کے جہاں میں فسانے بندھے ہیں نہ بلوانے کا ہم کو شکوہ ہے دیکھو بندھن وار اب تک پرانے بندھے ہیں بخیل اب یہ منعم نہیں کیونکہ جرأتؔ کسے جن کے خوانوں میں کھانے بندھے ہیں
English rendering
Yeh qisson mein jo dukh uthane bandhay hain So ulfat hi ke sab fasane bandhay hain Qafas mein suno lo aseeran kehna Ba har shakh-e-nau aashiyane bandhay hain Khuda jane is ghar mein kya hai keh jis ke Kai dar ke aage deewane bandhay hain Woh aansoo hain apne keh sab ki girah mein Kai motiyon ke khazane bandhay hain Hawa yeh dayar-e-mohabbat ki bigri Keh sab rehne walon ke shane bandhay hain Mulaqat kya ho rahay thor bas hum Keh jane ke wan to thikane bandhay hain Lagein kyun na teer-e-nigah dil jigar par Keh is chashm ke yeh nishane bandhay hain Falak tere hathon baray thay jo dana So ab un ke pallon mein dane bandhay hain Ghazab sada rawiyon ki hai sadgi bhi Keh pehnte ajab sufiyane bandhay hain Hui ghar mein shadi tumhare to aisi Keh jis ke jahan mein fasane bandhay hain Na bulwane ka hum ko shikwah hai dekho Bandhanwar ab tak purane bandhay hain Bakheel ab yeh munim nahin kyunke Jurrat Kisay jin ke khwanon mein khane bandhay hain