آئے ہیں میرؔ کافر ہو کر خدا کے گھر میں — میر تقی میر
شاعر
آئے ہیں میرؔ کافر ہو کر خدا کے گھر میں
آئے ہیں میرؔ کافر ہو کر خدا کے گھر میں
پیشانی پر ہے قشقہ زنار ہے کمر میں
نازک بدن ہے کتنا وہ شوخ چشم دلبر
جان اس کے تن کے آگے آتی نہیں نظر میں
سینے میں تیر اس کے ٹوٹے ہیں بے نہایت
سوراخ پڑ گئے ہیں سارے مرے جگر میں
آئندہ شام کو ہم رویا کڑھا کریں گے
مطلق اثر نہ دیکھا نالیدن سحر میں
بے سدھ پڑا رہوں ہوں اس مست ناز بن میں
آتا ہے ہوش مجھ کو اب تو پہر پہر میں
سیرت سے گفتگو ہے کیا معتبر ہے صورت
ہے ایک سوکھی لکڑی جو بو نہ ہو اگر میں
ہمسایۂ مغاں میں مدت سے ہوں چنانچہ
اک شیرہ خانے کی ہے دیوار میرے گھر میں
اب صبح و شام شاید گریے پہ رنگ آوے
رہتا ہے کچھ جھمکتا خوناب چشم تر میں
عالم میں آب و گل کے کیونکر نباہ ہوگا
اسباب گر پڑا ہے سارا مرا سفر میں
Ā'e haiñ Mīr kāfir ho kar Khudā ke ghar meñ
Ā'e haiñ Mīr kāfir ho kar Khudā ke ghar meñ
Peshānī par hai qashqa zunnār hai kamar meñ
Nāzuk badan hai kitnā woh shokh-chashm dilbar
Jāñ us ke tan ke āge ātī nahīñ nazar meñ
Sīne meñ tīr us ke ṭūṭe haiñ be-nihāyat
Sūrākh paṛ ga'e haiñ sāre mire jigar meñ
Ā'inda shām ko hum royā kaṛhā kareñge
Mutlaq asar na dekhā nālīdan-e-sahar meñ
Be-sudh paṛā rahūñ hūñ is mast-e-nāz ban meñ
Ātā hai hosh mujh ko ab to pahar pahar meñ
Sīrat se guftugū hai kyā mo'tabar hai sūrat
Hai ek sūkhī lakṛī jo bū na ho agar meñ
Hamsāya-e-mughāñ meñ muddat se hūñ chunāñche
Ek shīra-khāne kī hai dīvār mere ghar meñ
Ab subh o shām shāyad girya pe rang āve
Rahtā hai kuchh jhamaktā khūnāb-e-chashm-e-tar meñ
Ālam meñ āb o gul ke kyūñkar nibāh hogā
Asbāb gir paṛā hai sārā mirā safar meñ
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں