تھا مستعار حسن سے اس کے جو نور تھا — میر تقی میر
شاعر
تھا مستعار حسن سے اس کے جو نور تھا
تھا مستعار حسن سے اس کے جو نور تھا
خورشید میں بھی اس ہی کا ذرہ ظہور تھا
ہنگامہ گرم کن جو دل ناصبور تھا
پیدا ہر ایک نالے سے شور نشور تھا
پہنچا جو آپ کو تو میں پہنچا خدا کے تئیں
معلوم اب ہوا کہ بہت میں بھی دور تھا
آتش بلند دل کی نہ تھی ورنہ اے کلیم
یک شعلہ برق خرمن صد کوہ طور تھا
مجلس میں رات ایک ترے پرتوے بغیر
کیا شمع کیا پتنگ ہر اک بے حضور تھا
اس فصل میں کہ گل کا گریباں بھی ہے ہوا
دیوانہ ہو گیا سو بہت ذی شعور تھا
منعم کے پاس قاقم و سنجاب تھا تو کیا
اس رند کی بھی رات گزر گئی جو عور تھا
ہم خاک میں ملے تو ملے لیکن اے سپہر
اس شوخ کو بھی راہ پہ لانا ضرور تھا
کل پاؤں ایک کاسۂ سر پر جو آ گیا
یکسر وہ استخوان شکستوں سے چور تھا
کہنے لگا کہ دیکھ کے چل راہ بے خبر
میں بھی کبھو کسو کا سر پر غرور تھا
تھا وہ تو رشک حور بہشتی ہمیں میں میرؔ
سمجھے نہ ہم تو فہم کا اپنی قصور تھا
Tha musta'ar husn se us ke jo noor tha
Tha musta'ar husn se us ke jo noor tha
Khursheed mein bhi is hi ka zarra zahoor tha
Hangama-e-garm-kun jo dil-e-nasaboor tha
Paida har ek nale se shor-e-nashoor tha
Pahuncha jo aap ko to main pahuncha Khuda ke ta.een
Ma'loom ab hua ke bahut main bhi door tha
Atish-e-buland dil ki na thi warna ae Kaleem
Yak sho'la-e-barq khirman-e-sad koh-e-toor tha
Majlis mein raat ek tere partav-e-baghair
Kya shama' kya patang har ek be-hazoor tha
Is fasl mein ke gul ka girebaan bhi hai hua
Deewana ho gaya so bahut zi-shaoor tha
Mun'im ke paas qaqum o sanjab tha to kya
Us rind ki bhi raat guzar gayi jo aur tha
Ham khak mein mile to mile lekin ae sipahr
Us shokh ko bhi rah pe lana zaroor tha
Kal paon ek kasa-e-sar par jo aa gaya
Yaksar woh istakhwan-shikaston se choor tha
Kahne laga ke dekh ke chal rah be-khabar
Main bhi kabhu kiso ka sar par ghuroor tha
Tha woh to rashk-e-hoor-e-bihishti hamein mein Meer
Samjhe na ham to fahm ka apni qusoor tha
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں