اس کا خیال چشم سے شب خواب لے گیا — میر تقی میر
شاعر
اس کا خیال چشم سے شب خواب لے گیا
اس کا خیال چشم سے شب خواب لے گیا
قسمے کہ عشق جی سے مرے تاب لے گیا
کن نیندوں اب تو سوتی ہے اے چشم گریہ ناک
مژگاں تو کھول شہر کو سیلاب لے گیا
آوے جو مصطبہ میں تو سن لو کہ راہ سے
واعظ کو ایک جام مئے ناب لے گیا
نے دل رہا بجا ہے نہ صبر و حواس و ہوش
آیا جو سیل عشق سب اسباب لے گیا
میرے حضور شمع نے گریہ جو سر کیا
رویا میں اس قدر کہ مجھے آب لے گیا
احوال اس شکار زبوں کا ہے جائے رحم
جس ناتواں کو مفت نہ قصاب لے گیا
منہ کی جھلک سے یار کے بے ہوش ہو گئے
شب ہم کو میرؔ پرتو مہتاب لے گیا
Us ka khayal chashm se shab khwab le gaya
Us ka khayal chashm se shab khwab le gaya
Qasme ke ishq ji se mere taab le gaya
Kin neendon ab tu soti hai ae chashm-e-girya-nak
Mizhgan to khol shahar ko sailab le gaya
Aave jo mastabe mein to sun lo ke rah se
Waiz ko ek jaam-e-may-e-nab le gaya
Ne dil raha baja hai na sabr o hawas o hosh
Aaya jo sail-e-ishq sab asbab le gaya
Mere huzoor shama' ne girya jo sar kiya
Roya main us qadar ke mujhe aab le gaya
Ahwal us shikar-e-zaboon ka hai ja-e-rahm
Jis natavan ko muft na qassab le gaya
Munh ki jhalak se yaar ke be-hosh ho gaye
Shab ham ko Meer partav-e-mahtab le gaya
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں