یارو مجھے معاف رکھو میں نشے میں ہوں — میر تقی میر
شاعر
یارو مجھے معاف رکھو میں نشے میں ہوں
یارو مجھے معاف رکھو میں نشے میں ہوں
اب دو تو جام خالی ہی دو میں نشے میں ہوں
ایک ایک قرط دور میں یوں ہی مجھے بھی دو
جام شراب پر نہ کرو میں نشے میں ہوں
مستی سے درہمی ہے مری گفتگو کے بیچ
جو چاہو تم بھی مجھ کو کہو میں نشے میں ہوں
یا ہاتھوں ہاتھ لو مجھے مانند جام مے
یا تھوڑی دور ساتھ چلو میں نشے میں ہوں
معذور ہوں جو پاؤں مرا بے طرح پڑے
تم سرگراں تو مجھ سے نہ ہو میں نشے میں ہوں
بھاگی نماز جمعہ تو جاتی نہیں ہے کچھ
چلتا ہوں میں بھی ٹک تو رہو میں نشے میں ہوں
نازک مزاج آپ قیامت ہیں میرؔ جی
جوں شیشہ میرے منہ نہ لگو میں نشے میں ہوں
Yaro mujhe muaf rakho main nashe mein hoon
Yaro mujhe muaf rakho main nashe mein hoon
Ab do to jaam khali hi do main nashe mein hoon
Ek ek qurt-e-daur mein yun hi mujhe bhi do
Jaam-e-sharabi par na karo main nashe mein hoon
Masti se darahmi hai meri guftagu ke beech
Jo chaho tum bhi mujh ko kaho main nashe mein hoon
Ya hathon hath lo mujhe manind-e-jaam-e-may
Ya thodi door saath chalo main nashe mein hoon
Ma'zoor hoon jo paon mera be-tarah pade
Tum sar-giran to mujh se na ho main nashe mein hoon
Bhagi namaz-e-jum'a to jaati nahin hai kuchh
Chalta hoon main bhi tuk to raho main nashe mein hoon
Nazuk-mizaj aap qayamat hain Meer ji
Jun sheesha mere munh na lago main nashe mein hoon
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں