آؤ کبھو تو پاس ہمارے بھی ناز سے — میر تقی میر
شاعر
آؤ کبھو تو پاس ہمارے بھی ناز سے
آؤ کبھو تو پاس ہمارے بھی ناز سے
کرنا سلوک خوب ہے اہل نیاز سے
پھرتے ہو کیا درختوں کے سائے میں دور دور
کر لو موافقت کسو بے برگ و ساز سے
ہجراں میں اس کے زندگی کرنا بھلا نہ تھا
کوتاہی جو نہ ہووے یہ عمر دراز سے
مانند سبحہ عقدے نہ دل کے کبھو کھلے
جی اپنا کیوں کہ اچٹے نہ روزے نماز سے
کرتا ہے چھید چھید ہمارا جگر تمام
وہ دیکھنا ترا مژۂ نیم باز سے
دل پر ہو اختیار تو ہرگز نہ کریے عشق
پرہیز کریے اس مرض جاں گداز سے
آگے بچھا کے نطع کو لاتے تھے تیغ و طشت
کرتے تھے یعنی خون تو اک امتیاز سے
مانع ہوں کیوں کہ گریۂ خونیں کے عشق میں
ہے ربط خاص چشم کو افشائے راز سے
شاید شراب خانے میں شب کو رہے تھے میرؔ
کھیلے تھا ایک مغبچہ مہر نماز سے
Ā'o kabhū to pās hamāre bhī nāz se
Ā'o kabhū to pās hamāre bhī nāz se
Karnā sulūk khūb hai ahl-e-niyāz se
Phir-te ho kyā darakhtoñ ke sā'e meñ dūr dūr
Kar lo muvāfiqat kisū be-barg o sāz se
Hijrāñ meñ us ke zindagī karnā bhalā na thā
Kotāhī jo na hove yeh 'umr-e-darāz se
Mānind-e-subha 'uqde na dil ke kabhī khule
Jī apnā kyūñ ke uchaṭe na roze namāz se
Kartā hai chhed chhed hamārā jigar tamām
Woh dekhnā tirā mizha nīm-bāz se
Dil par ho ikhtiyār to hargiz na kariye ishq
Parhez kariye is marz-e-jāñ-gudāz se
Āge bichhā ke naṭ' ko lāte the tegh o tasht
Karte the ya'nī khūn to ek imtiyāz se
Māni' hūñ kyūñ ke girya-e-khūnīñ ke ishq meñ
Hai rabt-e-khās chashm ko ifshā-e-rāz se
Shāyad sharāb-khāne meñ shab ko rahe the Mīr
Khele thā ek mughbacha mehr-e-namāz se
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں