آگے جمال یار کے معذور ہو گیا — میر تقی میر
شاعر
آگے جمال یار کے معذور ہو گیا
آگے جمال یار کے معذور ہو گیا
گل اک چمن میں دیدۂ بے نور ہو گیا
اک چشم منتظر ہے کہ دیکھے ہے کب سے راہ
جوں زخم تیری دوری میں ناسور ہو گیا
قسمت تو دیکھ شیخ کو جب لہر آئی تب
دروازہ شیرہ خانے کا معمور ہو گیا
پہنچا قریب مرگ کے وہ صید ناقبول
جو تیری صید گاہ سے ٹک دور ہو گیا
دیکھا یہ ناؤ نوش کہ نیش فراق سے
سینہ تمام خانۂ زنبور ہو گیا
اس ماہ چاردہ کا چھپے عشق کیونکے آہ
اب تو تمام شہر میں مشہور ہو گیا
شاید کسو کے دل کو لگی اس گلی میں چوٹ
میری بغل میں شیشۂ دل چور ہو گیا
لاشہ مرا تسلی نہ زیر زمیں ہوا
جب تک نہ آن کر وہ سر گور ہو گیا
دیکھا جو میں نے یار تو وہ میرؔ ہی نہیں
تیرے غم فراق میں رنجور ہو گیا
Aage jamal-e-yaar ke ma'zoor ho gaya
Aage jamal-e-yaar ke ma'zoor ho gaya
Gul ek chaman mein deeda-e-be-noor ho gaya
Ek chashm-e-munnatzir hai ke dekhe hai kab se rah
Jun zakhm teri doori mein nasoor ho gaya
Qismat to dekh shaikh ko jab lahar aayi tab
Darwaza-e-sheera-khane ka ma'moor ho gaya
Pahuncha qareeb-e-marg ke woh said-e-na-qabool
Jo teri said-gah se tuk door ho gaya
Dekha yeh nao-nosh ke naish-e-firaq se
Seena tamam khana-e-zanboor ho gaya
Us mah-e-charda ka chhupe ishq kyunkar aah
Ab to tamam shahar mein mash'hoor ho gaya
Shayad kiso ke dil ko lagi is gali mein chot
Meri baghal mein sheesha-e-dil choor ho gaya
Lasha mera tasalli na zer-e-zameen hua
Jab tak na aan kar woh sar-e-gor ho gaya
Dekha jo main ne yaar to woh Meer hi nahin
Tere gham-e-firaq mein ranjoor ho gaya
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں