اب جو اک حسرت جوانی ہے — میر تقی میر
شاعر
اب جو اک حسرت جوانی ہے
اب جو اک حسرت جوانی ہے
عمر رفتہ کی یہ نشانی ہے
رشک یوسف ہے آہ وقت عزیز
عمر اک بار کاروانی ہے
گریہ ہر وقت کا نہیں بے ہیچ
دل میں کوئی غم نہانی ہے
ہم قفس زاد قیدی ہیں ورنہ
تا چمن ایک پرفشانی ہے
اس کی شمشیر تیز ہے ہمدم
مر رہیں گے جو زندگانی ہے
غم و رنج و الم نکو یاں سے
سب تمہاری ہی مہربانی ہے
خاک تھی موجزن جہاں میں اور
ہم کو دھوکا یہ تھا کہ پانی ہے
یاں ہوئے میرؔ تم برابر خاک
واں وہی ناز و سرگرانی ہے
Ab jo ek hasrat-e-javānī hai
Ab jo ek hasrat-e-javānī hai
'Umar-e-rafta kī yeh nishānī hai
Rashk-e-Yūsuf hai āh waqt-e-'azīz
'Umar ek bār-e-kārvānī hai
Girya har waqt kā nahīñ be-hech
Dil meñ koī gham-e-nihānī hai
Hum qafas-zād qaidī haiñ varna
Tā chaman ek parfishānī hai
Us kī shamshīr tez hai hamdam
Mar raheñge jo zindagānī hai
Gham o ranj o alam niklo yāñ se
Sab tumhārī hī mihrbānī hai
Khāk thī maujzan jahāñ meñ aur
Hum ko dhokā yeh thā ke pānī hai
Yāñ hue Mīr tum barābar-e-khāk
Vāñ vahī nāz o sargirānī hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں