اشک آنکھوں میں کب نہیں آتا — میر تقی میر
شاعر
اشک آنکھوں میں کب نہیں آتا
اشک آنکھوں میں کب نہیں آتا
لوہو آتا ہے جب نہیں آتا
ہوش جاتا نہیں رہا لیکن
جب وہ آتا ہے تب نہیں آتا
صبر تھا ایک مونس ہجراں
سو وہ مدت سے اب نہیں آتا
دل سے رخصت ہوئی کوئی خواہش
گریہ کچھ بے سبب نہیں آتا
عشق کو حوصلہ ہے شرط ارنہ
بات کا کس کو ڈھب نہیں آتا
جی میں کیا کیا ہے اپنے اے ہمدم
پر سخن تا بلب نہیں آتا
دور بیٹھا غبار میرؔ اس سے
عشق بن یہ ادب نہیں آتا
Ashk āñkhoñ meñ kab nahīñ ātā
Ashk āñkhoñ meñ kab nahīñ ātā
Lahū ātā hai jab nahīñ ātā
Hosh jātā nahīñ rahā lekin
Jab woh ātā hai tab nahīñ ātā
Sabr thā ek mūnis-e-hijrāñ
So woh muddat se ab nahīñ ātā
Dil se rukhsat huī koī khwāhish
Girya kuchh be-sabab nahīñ ātā
Ishq ko hausla hai shart varna
Bāt kā kis ko ḍhab nahīñ ātā
Jī meñ kyā kyā hai apne ai hamdam
Par sukhan tā ba-lab nahīñ ātā
Dūr baiṭhā ghubār Mīr us se
Ishq bin yeh adab nahīñ ātā
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں