بارے دنیا میں رہو غم زدہ یا شاد رہو — میر تقی میر
شاعر
بارے دنیا میں رہو غم زدہ یا شاد رہو
بارے دنیا میں رہو غم زدہ یا شاد رہو
ایسا کچھ کر کے چلو یاں کہ بہت یاد رہو
عشق پیچے کی طرح حسن گرفتاری ہے
لطف کیا سرو کی مانند گر آزاد رہو
ہم کو دیوانگی شہروں ہی میں خوش آتی ہے
دشت میں قیس رہو کوہ میں فرہاد رہو
وہ گراں خواب جو ہے ناز کا اپنے سو ہے
داد بیداد رہو شب کو کہ فریاد رہو
میرؔ ہم مل کے بہت خوش ہوئے تم سے پیارے
اس خرابے میں مری جان تم آباد رہو
Bāre duniyā meñ raho ghamzada yā shād raho
Bāre duniyā meñ raho ghamzada yā shād raho
Aisā kuchh kar ke chalo yāñ ke bahut yād raho
Ishq pīchhe kī tarah husn-e-giriftārī hai
Lutf kyā sarv kī mānind gar āzād raho
Hum ko dīvāngī shahroñ hī meñ khush ātī hai
Dasht meñ Qais raho koh meñ Farhād raho
Woh girāñ-khwāb jo hai nāz kā apne so hai
Dād-e-bedād raho shab ko ke faryād raho
Mīr hum mil ke bahut khush hue tum se piyāre
Is kharābe meñ merī jāñ tum ābād raho
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں