بارہا گور دل جھنکا لایا — میر تقی میر
شاعر
بارہا گور دل جھنکا لایا
بارہا گور دل جھنکا لایا
اب کے شرط وفا بجا لایا
قدر رکھتی نہ تھی متاع دل
سارے عالم میں میں دکھا لایا
دل کہ یک قطرہ خوں نہیں ہے بیش
ایک عالم کے سر بلا لایا
سب پہ جس بار نے گرانی کی
اس کو یہ ناتواں اٹھا لایا
دل مجھے اس گلی میں لے جا کر
اور بھی خاک میں ملا لایا
ابتدا ہی میں مر گئے سب یار
عشق کی کون انتہا لایا
اب تو جاتے ہیں بت کدے سے میرؔ
پھر ملیں گے اگر خدا لایا
Bārhā gor-e-dil jhinkā lāyā
Bārhā gor-e-dil jhinkā lāyā
Ab ke shart-e-vafā bajā lāyā
Qadr rakhtī na thī matā'-e-dil
Sāre 'ālam meñ maiñ dikhā lāyā
Dil ke yak qatra-e-khūñ nahīñ hai besh
Ek 'ālam ke sar balā lāyā
Sab pe jis bār ne girānī kī
Us ko yeh nā-tavāñ uṭhā lāyā
Dil mujhe us galī meñ le jā kar
Aur bhī khāk meñ milā lāyā
Ibtidā hī meñ mar ga'e sab yār
Ishq kī kaun intihā lāyā
Ab to jāte haiñ but-kade se Mīr
Phir mileñge agar khudā lāyā
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں