بنی تھی کچھ اک اس سے مدت کے بعد — میر تقی میر
شاعر
بنی تھی کچھ اک اس سے مدت کے بعد
بنی تھی کچھ اک اس سے مدت کے بعد
سو پھر بگڑی پہلی ہی صحبت کے بعد
جدائی کے حالات میں کیا کہوں
قیامت تھی ایک ایک ساعت کے بعد
موا کوہ کن بے ستوں کھود کر
یہ راحت ہوئی ایسی محنت کے بعد
لگا آگ پانی کو دوڑے ہے تو
یہ گرمی تری اس شرارت کے بعد
کہے کو ہمارے کب ان نے سنا
کوئی بات مانی سو منت کے بعد
سخن کی نہ تکلیف ہم سے کرو
لہو ٹپکے ہے اب شکایت کے بعد
نظر میرؔ نے کیسی حسرت سے کی
بہت روئے ہم اس کی رخصت کے بعد
Banī thī kuchh ek us se muddat ke ba'd
Banī thī kuchh ek us se muddat ke ba'd
So phir bigṛī pahlī hī suhbat ke ba'd
Judā'ī ke hālāt meñ kyā kahūñ
Qayāmat thī ek ek sā'at ke ba'd
Mu'ā Kohkan be-sitūñ khod kar
Yeh rāhat huī aisī mihnat ke ba'd
Lagā āg pānī ko dauṛe hai tū
Yeh garmī terī is sharārat ke ba'd
Kahe ko hamāre kab un ne sunā
Koī bāt mānī so minnat ke ba'd
Sukhan kī na taklīf hum se karo
Lahū ṭapke hai ab shikāyat ke ba'd
Nazar Mīr ne kaisī hasrat se kī
Bahut ro'e hum us kī rukhsat ke ba'd
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں