چلتے ہو تو چمن کو چلئے کہتے ہیں کہ بہاراں ہے — میر تقی میر
شاعر
چلتے ہو تو چمن کو چلئے کہتے ہیں کہ بہاراں ہے
چلتے ہو تو چمن کو چلئے کہتے ہیں کہ بہاراں ہے
پات ہرے ہیں پھول کھلے ہیں کم کم باد و باراں ہے
رنگ ہوا سے یوں ٹپکے ہے جیسے شراب چواتے ہیں
آگے ہو مے خانے کے نکلو عہد بادہ گساراں ہے
عشق کے میداں داروں میں بھی مرنے کا ہے وصف بہت
یعنی مصیبت ایسی اٹھانا کار کار گزاراں ہے
دل ہے داغ جگر ہے ٹکڑے آنسو سارے خون ہوئے
لوہو پانی ایک کرے یہ عشق لالہ عذاراں ہے
کوہ کن و مجنوں کی خاطر دشت و کوہ میں ہم نہ گئے
عشق میں ہم کو میرؔ نہایت پاس عزت داراں ہے
Chalte ho to chaman ko chaliye kahte haiñ ke bahārāñ hai
Chalte ho to chaman ko chaliye kahte haiñ ke bahārāñ hai
Pāt hare haiñ phūl khule haiñ kam kam bād o bārāñ hai
Rang havā se yūñ ṭapke hai jaise sharāb chuvāte haiñ
Āge ho mai-khāne ke niklo ahd-e-bāda-gusārāñ hai
Ishq ke maidān-dāroñ meñ bhī marne kā hai vasf bahut
Ya'nī musībat aisī uṭhānā kār-e-kār-guzārāñ hai
Dil hai dāgh jigar hai ṭukṛe āñsū sāre khūn hue
Lahū pānī ek kare yeh ishq-e-lāla-'uzārāñ hai
Kohkan o Majnūñ kī khātir dasht o koh meñ hum na ga'e
Ishq meñ hum ko Mīr nihāyat pās-e-'izzat-dārāñ hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں