چمن میں گل نے جو کل دعوی جمال کیا — میر تقی میر
شاعر
چمن میں گل نے جو کل دعوی جمال کیا
چمن میں گل نے جو کل دعوی جمال کیا
جمال یار نے منہ اس کا خوب لال کیا
فلک نے آہ تری رہ میں ہم کو پیدا کر
برنگ سبزۂ نورستہ پائمال کیا
رہی تھی دم کی کشاکش گلے میں کچھ باقی
سو اس کی تیغ نے جھگڑا ہی انفصال کیا
مری اب آنکھیں نہیں کھلتیں ضعف سے ہمدم
نہ کہہ کہ نیند میں ہے تو یہ کیا خیال کیا
بہار رفتہ پھر آئی ترے تماشے کو
چمن کو یمن قدم نے ترے نہال کیا
جواب نامہ سیاہی کا اپنی ہے وہ زلف
کسو نے حشر کو ہم سے اگر سوال کیا
لگا نہ دل کو کہیں کیا سنا نہیں تو نے
جو کچھ کہ میرؔ کا اس عاشقی نے حال کیا
Chaman meñ gul ne jo kal da'vā-e-jamāl kiyā
Chaman meñ gul ne jo kal da'vā-e-jamāl kiyā
Jamāl-e-yār ne muñh us kā khūb lāl kiyā
Falak ne āh terī rah meñ hum ko paidā kar
Barang-e-sabza-e-naw-rasta pā'emāl kiyā
Rahī thī dam kī kashākash gale meñ kuchh bāqī
So us kī tegh ne jhagaṛā hī infisāl kiyā
Merī ab āñkheñ nahīñ khultīñ za'f se hamdam
Na kah ke nīñd meñ hai tū yeh kyā khayāl kiyā
Bahār-e-rafta phir āī tere tamāshe ko
Chaman ko yumn-e-qadam ne tere nihāl kiyā
Javāb-e-nāma-siyāhī kā apnī hai woh zulf
Kisū ne hashr ko hum se agar savāl kiyā
Lagā na dil ko kahīñ kyā sunā nahīñ tū ne
Jo kuchh ke Mīr kā is āshiqī ne hāl kiyā
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں