دیکھ تو دل کہ جاں سے اٹھتا ہے — میر تقی میر
شاعر
دیکھ تو دل کہ جاں سے اٹھتا ہے
دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے
گور کس دل جلے کی ہے یہ فلک
شعلہ اک صبح یاں سے اٹھتا ہے
خانۂ دل سے زینہار نہ جا
کوئی ایسے مکاں سے اٹھتا ہے
نالہ سر کھینچتا ہے جب میرا
شور اک آسماں سے اٹھتا ہے
لڑتی ہے اس کی چشم شوخ جہاں
ایک آشوب واں سے اٹھتا ہے
سدھ لے گھر کی بھی شعلۂ آواز
دود کچھ آشیاں سے اٹھتا ہے
بیٹھنے کون دے ہے پھر اس کو
جو ترے آستاں سے اٹھتا ہے
یوں اٹھے آہ اس گلی سے ہم
جیسے کوئی جہاں سے اٹھتا ہے
عشق اک میرؔ بھاری پتھر ہے
کب یہ تجھ ناتواں سے اٹھتا ہے
Dekh to dil ke jāñ se uṭhtā hai
Dekh to dil ke jāñ se uṭhtā hai
Yeh dhuāñ sā kahāñ se uṭhtā hai
Gor kis dil-jale kī hai yeh falak
Sho'la ek subh yāñ se uṭhtā hai
Khāna-e-dil se zīnhār na jā
Koī aise makāñ se uṭhtā hai
Nāla sar kheñchtā hai jab merā
Shor ek āsmāñ se uṭhtā hai
Laṛtī hai us kī chashm-e-shokh jahāñ
Ek āshob vāñ se uṭhtā hai
Sudh le ghar kī bhī sho'la-āvāz
Dūd kuchh āshiyāñ se uṭhtā hai
Baiṭhne kaun de hai phir us ko
Jo tere āstāñ se uṭhtā hai
Yūñ uṭhe āh is galī se hum
Jaise koī jahāñ se uṭhtā hai
Ishq ek Mīr bhārī patthar hai
Kab yeh tujh nā-tavāñ se uṭhtā hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں