ہم ہوئے تم ہوئے کہ میرؔ ہوئے — میر تقی میر
شاعر
ہم ہوئے تم ہوئے کہ میرؔ ہوئے
ہم ہوئے تم ہوئے کہ میرؔ ہوئے
اس کی زلفوں کے سب اسیر ہوئے
جن کی خاطر کی استخواں شکنی
سو ہم ان کے نشان تیر ہوئے
نہیں آتے کسو کی آنکھوں میں
ہو کے عاشق بہت حقیر ہوئے
آگے یہ بے ادائیاں کب تھیں
ان دنوں تم بہت شریر ہوئے
اپنے روتے ہی روتے صحرا کے
گوشے گوشے میں آب گیر ہوئے
ایسی ہستی عدم میں داخل ہے
نے جواں ہم نہ طفل شیر ہوئے
ایک دم تھی نمود بود اپنی
یا سفیدی کی یا اخیر ہوئے
یعنی مانند صبح دنیا میں
ہم جو پیدا ہوئے سو پیر ہوئے
مت مل اہل دول کے لڑکوں سے
میرؔ جی ان سے مل فقیر ہوئے
Ham hue tum hue ke Meer hue
Ham hue tum hue ke Meer hue
Us ki zulfon ke sab aseer hue
Jin ki khatir ki istakhwan-shikani
So ham un ke nishan-e-teer hue
Nahin aate kiso ki aankhon mein
Ho ke ashiq bahut haqeer hue
Aage yeh be-adayyan kab thin
In dinon tum bahut shareer hue
Apne rote hi rote sahra ke
Goshe goshe mein aab-geer hue
Aisi hasti adam mein dakhil hai
Ne jawan ham na tifl-e-sheer hue
Ek dam thi namood-e-bood apni
Ya safedi ki ya akheer hue
Ya'ni manind-e-subah duniya mein
Ham jo paida hue so peer hue
Mat mil ahl-e-daul ke ladkon se
Meer ji un se mil faqeer hue
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں