ہم آپ ہی کو اپنا مقصود جانتے ہیں — میر تقی میر
شاعر
ہم آپ ہی کو اپنا مقصود جانتے ہیں
ہم آپ ہی کو اپنا مقصود جانتے ہیں
اپنے سوائے کس کو موجود جانتے ہیں
عجز و نیاز اپنا اپنی طرف ہے سارا
اس مشت خاک کو ہم مسجود جانتے ہیں
صورت پذیر ہم بن ہرگز نہیں وے مانے
اہل نظر ہمیں کو معبود جانتے ہیں
عشق ان کی عقل کو ہے جو ماسوا ہمارے
ناچیز جانتے ہیں نا بود جانتے ہیں
اپنی ہی سیر کرنے ہم جلوہ گر ہوئے تھے
اس رمز کو ولیکن معدود جانتے ہیں
یا رب کسے ہے ناقہ ہر غنچہ اس چمن کا
راہ وفا کو ہم تو مسدود جانتے ہیں
یہ ظلم بے نہایت دشوار تر کہ خوباں
بد وضعیوں کو اپنی محمود جانتے ہیں
کیا جانے داب صحبت از خویش رفتگاں کا
مجلس میں شیخ صاحب کچھ کود جانتے ہیں
مر کر بھی ہاتھ آوے تو میرؔ مفت ہے وہ
جی کے زیان کو بھی ہم سود جانتے ہیں
Hum āp hī ko apnā maqṣūd jānte haiñ
Hum āp hī ko apnā maqṣūd jānte haiñ
Apne sivā'e kis ko maujūd jānte haiñ
'Ajz o niyāz apnā apnī taraf hai sārā
Is musht-e-khāk ko hum masjūd jānte haiñ
Sūrat-pazīr hum bin hargiz nahīñ ve māne
Ahl-e-nazar hameñ ko ma'būd jānte haiñ
Ishq un kī 'aql ko hai jo mā-sivā hamāre
Nāchīz jānte haiñ nābūd jānte haiñ
Apnī hī sair karne hum jalva-gar hue the
Is ramz ko valekin ma'dūd jānte haiñ
Yā Rab kise hai nāqa har ghuncha is chaman kā
Rāh-e-vafā ko hum to masdūd jānte haiñ
Yeh zulm be-nihāyat dushvār-tar ke khūbāñ
Bad-waz'iyoñ ko apnī mahmūd jānte haiñ
Kyā jāne dāb-e-suhbat az khwesh raftagāñ kā
Majlis meñ shaikh sāhib kuchh kaud jānte haiñ
Mar kar bhī hāth āve to Mīr muft hai woh
Jī ke ziyāñ ko bhī hum sūd jānte haiñ
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں