اس عہد میں الٰہی محبت کو کیا ہوا — میر تقی میر
شاعر
اس عہد میں الٰہی محبت کو کیا ہوا
اس عہد میں الٰہی محبت کو کیا ہوا
چھوڑا وفا کو ان نے مروت کو کیا ہوا
امیدوار وعدۂ دیدار مر چلے
آتے ہی آتے یارو قیامت کو کیا ہوا
کب تک تظلم آہ بھلا مرگ کے تئیں
کچھ پیش آیا واقعہ رحمت کو کیا ہوا
اس کے گئے پر ایسے گئے دل سے ہم نشیں
معلوم بھی ہوا نہ کہ طاقت کو کیا ہوا
بخشش نے مجھ کو ابر کرم کی کیا خجل
اے چشم جوش اشک ندامت کو کیا ہوا
جاتا ہے یار تیغ بکف غیر کی طرف
اے کشتۂ ستم تری غیرت کو کیا ہوا
تھی صعب عاشقی کی بدایت ہی میرؔ پر
کیا جانیے کہ حال نہایت کو کیا ہوا
Is 'ahd mein Ilahi mohabbat ko kya hua
Is 'ahd mein Ilahi mohabbat ko kya hua
Chhora wafa ko un ne muravvat ko kya hua
Umeedwar wada-e-deedar mar chale
Aate hi aate yaro qayamat ko kya hua
Kab tak tazaallum aah bhala marg ke ta.een
Kuchh pesh aaya waqia rehmat ko kya hua
Us ke gaye par aise gaye dil se ham-nasheen
Maloom bhi hua na ke taqat ko kya hua
Bakhshish ne mujh ko abr-e-karam ki kya khajal
Ae chashm-e-josh-e-ashk-e-nadamat ko kya hua
Jata hai yaar tegh ba-kaf ghair ki taraf
Ae kushta-e-sitam teri ghairat ko kya hua
Thi sa'b ashiqi ki bidayat Meer par
Kya jaaniye ke haal nihayat ko kya hua
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں