عشق ہمارے خیال پڑا ہے خواب گئی آرام گیا — میر تقی میر
شاعر
عشق ہمارے خیال پڑا ہے خواب گئی آرام گیا
عشق ہمارے خیال پڑا ہے خواب گئی آرام گیا
جی کا جانا ٹھہر رہا ہے صبح گیا یا شام گیا
عشق کیا سو دین گیا ایمان گیا اسلام گیا
دل نے ایسا کام کیا کچھ جس سے میں ناکام گیا
کس کس اپنی کل کو رووے ہجراں میں بے کل اس کا
خواب گئی ہے تاب گئی ہے چین گیا آرام گیا
آیا یاں سے جانا ہی تو جی کا چھپانا کیا حاصل
آج گیا یا کل جاوے گا صبح گیا یا شام گیا
ہائے جوانی کیا کیا کہیے شور سروں میں رکھتے تھے
اب کیا ہے وہ عہد گیا وہ موسم وہ ہنگام گیا
گالی جھڑکی خشم و خشونت یہ تو سر دست اکثر ہیں
لطف گیا احسان گیا انعام گیا اکرام گیا
لکھنا کہنا ترک ہوا تھا آپس میں تو مدت سے
اب جو قرار کیا ہے دل سے خط بھی گیا پیغام گیا
نالۂ میرؔ سواد میں ہم تک دوشیں شب سے نہیں آیا
شاید شہر سے اس ظالم کے عاشق وہ بدنام گیا
Ishq hamare khayal pada hai khwab gayi aaram gaya
Ishq hamare khayal pada hai khwab gayi aaram gaya
Ji ka jaana thahar raha hai subah gaya ya sham gaya
Ishq kya so deen gaya iman gaya islam gaya
Dil ne aisa kaam kiya kuchh jis se main nakam gaya
Kis kis apni kal ko rove hijran mein bekal us ka
Khwab gayi hai taab gayi hai chain gaya aaram gaya
Aaya yan se jaana hi to ji ka chhupana kya hasil
Aaj gaya ya kal jaave ga subah gaya ya sham gaya
Haye jawani kya kya kahiye shor saron mein rakhte the
Ab kya hai woh 'ahd gaya woh mausam woh hangam gaya
Gaali jhadki khashm-o-khashunat ye to sar-e-dast aksar hain
Lutf gaya ehsan gaya inaam gaya ikram gaya
Likhna kehna tark hua tha aapas mein to muddat se
Ab jo qarar kiya hai dil se khat bhi gaya paigham gaya
Nala Meer sawad mein ham tak dosheen shab se nahin aaya
Shayad shahar se us zalim ke ashiq woh badnam gaya
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں