جیتے جی کوچۂ دل دار سے جایا نہ گیا — میر تقی میر
شاعر
جیتے جی کوچۂ دل دار سے جایا نہ گیا
جیتے جی کوچۂ دل دار سے جایا نہ گیا
اس کی دیوار کا سر سے مرے سایہ نہ گیا
کاو کاو مژۂ یار و دل زار و نزار
گتھ گئے ایسے شتابی کہ چھڑایا نہ گیا
وہ تو کل دیر تلک دیکھتا ایدھر کو رہا
ہم سے ہی حال تباہ اپنا دکھایا نہ گیا
گرم رو راہ فنا کا نہیں ہو سکتا پتنگ
اس سے تو شمع نمط سر بھی کٹایا نہ گیا
پاس ناموس محبت تھا کہ فرہاد کے پاس
بے ستوں سامنے سے اپنے اٹھایا نہ گیا
خاک تک کوچۂ دل دار کی چھانی ہم نے
جستجو کی پہ دل گم شدہ پایا نہ گیا
آتش تیز جدائی میں یکایک اس بن
دل جلا یوں کہ تنک جی بھی جلایا نہ گیا
مہ نے آ سامنے شب یاد دلایا تھا اسے
پھر وہ تا صبح مرے جی سے بھلایا نہ گیا
زیر شمشیر ستم میرؔ تڑپنا کیسا
سر بھی تسلیم محبت میں ہلایا نہ گیا
جی میں آتا ہے کہ کچھ اور بھی موزوں کیجے
درد دل ایک غزل میں تو سنایا نہ گیا
Jeete ji kucha-e-dildar se jaaya na gaya
Jeete ji kucha-e-dildar se jaaya na gaya
Us ki deewar ka sar se mere saya na gaya
Kaav-kaav-e-mizhgan yaar-o-dil-e-zaar-o-nizaar
Guth gaye aise shitabi ke chhudaaya na gaya
Woh to kal der talak dekhta idhar ko raha
Ham se hi haal-e-tabah apna dikhaya na gaya
Garm-rau rah-e-fana ka nahin ho sakta patang
Is se to shama' namat sar bhi kataya na gaya
Paas-e-namoos-e-mohabbat tha ke Farhad ke paas
Be-sutoon samne se apne uthaya na gaya
Khak tak kucha-e-dildar ki chhani ham ne
Justuju ki pe dil-e-gumshuda paya na gaya
Atish-e-tez-e-judai mein yakayak is bin
Dil jala yun ke tanak ji bhi jalaya na gaya
Mah ne aa samne shab yaad dilaya tha use
Phir woh ta subah mere ji se bhulaya na gaya
Zer-e-shamshir-e-sitam Meer tadapna kaisa
Sar bhi tasleem-e-mohabbat mein hilaya na gaya
Ji mein aata hai ke kuchh aur bhi mauzoon kije
Dard-e-dil ek ghazal mein to sunaya na gaya
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں