جن جن کو تھا یہ عشق کا آزار مر گئے — میر تقی میر
شاعر
جن جن کو تھا یہ عشق کا آزار مر گئے
جن جن کو تھا یہ عشق کا آزار مر گئے
اکثر ہمارے ساتھ کے بیمار مر گئے
ہوتا نہیں ہے اس لب نوخط پہ کوئی سبز
عیسیٰ و خضر کیا سبھی یک بار مر گئے
یوں کانوں کان گل نے نہ جانا چمن میں آہ
سر کو پٹک کے ہم پس دیوار مر گئے
صد کارواں وفا ہے کوئی پوچھتا نہیں
گویا متاع دل کے خریدار مر گئے
مجنوں نہ دشت میں ہے نہ فرہاد کوہ میں
تھا جن سے لطف زندگی وے یار مر گئے
گر زندگی یہی ہے جو کرتے ہیں ہم اسیر
تو وے ہی جی گئے جو گرفتار مر گئے
افسوس وے شہید کہ جو قتل گاہ میں
لگتے ہی اس کے ہاتھ کی تلوار مر گئے
تجھ سے دو چار ہونے کی حسرت کے مبتلا
جب جی ہوئے وبال تو ناچار مر گئے
گھبرا نہ میرؔ عشق میں اس سہل زیست پر
جب بس چلا نہ کچھ تو مرے یار مر گئے
Jin jin ko tha yeh ishq ka azar mar gaye
Jin jin ko tha yeh ishq ka azar mar gaye
Aksar hamare saath ke bimar mar gaye
Hota nahin hai is lab-e-nau-khat pe koi sabz
Isa o Khizr kya sabhi yak bar mar gaye
Yun kanon kan gul ne na jaana chaman mein aah
Sar ko patak ke ham pas-e-deewar mar gaye
Sad karwan-e-wafa hai koi poochhta nahin
Goya mata'-e-dil ke khareedar mar gaye
Majnun na dasht mein hai na Farhad koh mein
Tha jin se lutf-e-zindagi we yaar mar gaye
Gar zindagi yehi hai jo karte hain ham aseer
To we hi ji gaye jo giriftar mar gaye
Afsos we shaheed ke jo qatl-gah mein
Lagte hi us ke hath ki talwar mar gaye
Tujh se do char hone ki hasrat ke mubtala
Jab ji hue wabaal to naachar mar gaye
Ghabra na Meer ishq mein is sahl-zeest par
Jab bas chala na kuchh to mere yaar mar gaye
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں