جو اس شور سے میرؔ روتا رہے گا — میر تقی میر
شاعر
جو اس شور سے میرؔ روتا رہے گا
جو اس شور سے میرؔ روتا رہے گا
تو ہمسایہ کاہے کو سوتا رہے گا
میں وہ رونے والا جہاں سے چلا ہوں
جسے ابر ہر سال روتا رہے گا
مجھے کام رونے سے اکثر ہے ناصح
تو کب تک مرے منہ کو دھوتا رہے گا
بس اے گریہ آنکھیں تری کیا نہیں ہیں
کہاں تک جہاں کو ڈبوتا رہے گا
مرے دل نے وہ نالہ پیدا کیا ہے
جرس کے بھی جو ہوش کھوتا رہے گا
تو یوں گالیاں غیر کو شوق سے دے
ہمیں کچھ کہے گا تو ہوتا رہے گا
بس اے میرؔ مژگاں سے پونچھ آنسوؤں کو
تو کب تک یہ موتی پروتا رہے گا
Jo is shor se Meer rota rahe ga
Jo is shor se Meer rota rahe ga
To hamsaya kahe ko sota rahe ga
Main woh rone wala jahan se chala hoon
Jise abr har saal rota rahe ga
Mujhe kaam rone se aksar hai naseh
Tu kab tak mere munh ko dhota rahe ga
Bas ae girya aankhen teri kya nahin hain
Kahan tak jahan ko dubota rahe ga
Mere dil ne woh nala paida kiya hai
Jaras ke bhi jo hosh khota rahe ga
Tu yun galiyan ghair ko shauq se de
Hamein kuchh kahe ga to hota rahe ga
Bas ae Meer mizhgan se ponchh aansuon ko
Tu kab tak yeh moti parota rahe ga
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں