جستجو میں تیری پھرتا ہوں نجانے کب سے؟
جستجو میں تیری پھرتا ہوں نجانے کب سے؟ آبلہ پا ہیں مرے ساتھ زمانے- کب سے! میں کہ قسمت کی لکیریں بھی پڑھا کرتا تھا کوئی آیا ہی نہیں ہاتھ دکھانے کب سے نعمتیں ہیں نہ عذابوں کا تسلسل اب تو! مجھ سے رُخ پھیر لیا میرے خدا نے کب سے جان چھٹرکتے تھے کبھی خود سے غزالاں جن پر بھول بیٹھے ہیں شکاری وہ نشانے کب سے وہ تو جنگل سے ہواؤں کو چُرا لاتا تھا اُس نے سیکھے ہیں دیے گھر میں جلانے کب سے؟ شہر میں پرورشِ رسمِ جنوں کون کرے؟ یوں بھی جنگل میں یاروں کے ٹھکانے کب سے؟ آنکھ رونے کو ترستی ہے تو دل زخموں کو کوئی آیا ہی نہیں احسان جتانے کب سے جن کے صدقے میں بسا کرتے تھے اُجڑے ہوئے لوگ لُٹ گئے ہیں سرِ صحرا وہ گھرانے کب سے لوگ بے خوف گریباں کو کُھلا رکھتے ہیں تِیر چھوڑا ہی نہیں دستِ قضا نے کب سے جانے کب ٹوٹ کے برسے گی ملامت کی گھٹا؟ سر جھکائے ہوئے بیٹھے ہیں دِوانے کب سے جن کو آتا تھا کبھی حشر جگانا محسن بختِ خفتہ کو نہ آئے وہ جگانے کب سے!
English rendering
Justujū meñ terī phirtā hūñ na-jāne kab se? Ābla-pā haiñ mere sāth zamāne- kab se! Maiñ ki qismat kī lakīreñ bhī paṛhā kartā thā Koī āyā hī nahīñ hāth dikhāne kab se Ne'mateñ haiñ na azāboñ kā tasalsul ab to! Mujh se rukh pher liyā mere khudā ne kab se Jāñ chhiṛakte the kabhī khud se ghazālāñ jin par Bhūl baiṭhe haiñ shikārī vo nishāne kab se Vo to jangal se havā.oñ ko churā lātā thā Us ne sīkhe hī haiñ diye ghar meñ jalāne kab se? Shahr meñ parvarish-e-rasm-e-junūñ kaun kare? Yūñ bhī jangal meñ yāroñ ke ṭhikāne kab se? Āñkh rone ko tarastī hai to dil zakhmoñ ko Koī āyā hī nahīñ ehsān jatāne kab se Jin ke sadqe meñ basā karte the ujṛe hue log Luṭ ga.e haiñ sar-e-sahrā vo gharāne kab se Log be-khauf garebāñ ko khulā rakhte haiñ Tīr chhoṛā hī nahīñ dast-e-qazā ne kab se Jāne kab ṭūṭ ke barse-gī malāmat kī ghaṭā? Sar jhukā.e hue baiṭhe haiñ dīvāne kab se Jin ko ātā thā kabhī hashr jagānā Mohsin Bakht-e-khufta ko na ā.e vo jagāne kab se!