میں تو کہتا تھا
میں تو کہتا تھا میری پرستش نہ کر میری عُریاں ہتھیلی پہ پلکوں کے اندر چھُپی خواہشوں کے ستارے نہ چُن میری قَسموں میں لپٹے ہوئے وصل وعدوں سے اپنی حَسیں ریشمی چاہتوں کے کنارے نہ بُن میرے لفظوں پہ مَت جا کہ نا مُعتبر لفظ فصلِ خزاں کی ہوَا میں بکھرتے ہوئے زرد پتّوں کی آواز ہیں میرے پاؤں کے تلوؤں پہ یاقوت و مرجاں سے ہونٹوں کے موتی نچھاور نہ کر میں تو کہتا تھا جذبوں کی مُنہ زور آندھی کے رستے میں اتنے دیے مت جَلا اپنی خواہش کے تپتے ہوُئے دشت میں بے جہت رقص کرتے بگولوں کی خالی ہتھیلی پہ شفّاف خوابوں کے ریشم میں لپٹے ہوئے جُگنوؤں کے گُہر مت سجا مت سَجا سازشی سوُرجوں کے مقابِل سُخن آئینے میں تو کہتا تھا چاہت کی ساری لکیریں سبھی ذائقے سب رُتیں دُھوپ چھاؤں کے اندھے ادُھورے سفر سے اُبھرتی ہوُئی گرد کی تہہ میں پوشیدہ منظر کے بنتے بگڑتے خد و خال کا استعارہ سمجھ گردشِ روزوشب کا اشارہ سمجھ دیکھ اپنی جوانی کی جلتی ہوئی دوپہر میں کوئی خواب دیکھا نہ کر میرے ہاتھوں کی یخ بستگی پہ سرِ شام سوچا نہ کر مجھ سے اِتنی عقیدت بھی اچھی نہیں میرے نزدیک آ میرے تن میں اُتر میری بانھوں کے آنگن میں بکھری ہوئی دُھوپ میں بن سنور مجھ سے کیسا حذَر؟ مجھ کو ’’ اپنا ‘‘ سمجھ میرے نزدیک اپنائیت سے بڑا کوئی رشتہ نہیں میری چاہت کو کوئی تقاضا سمجھ میرے اندر کا انساں فرشتہ نہیں اور اب تیرے رُوٹھے ہوُئے لفظ گجروں کے سُوکھے ہوُئے پھول آنکھوں میں بکھرے ہوئے آنسوؤں کے گُہر تیرے معصوُم جذبوں کے سچ کی مُسلسل گواہی مگر میں تو کہتا تھا میری پرستش نہ کر میں تو کہتا تھا میری پرستش نہ کر
English rendering
Maiñ to kahtā thā Merī parastish na kar Merī uryāñ hathelī pe palkoñ ke andar chhupī khwāhishoñ ke sitāre na chun Merī qasmoñ mein lipṭe hue vasl o va'doñ se Apnī hasīn reshmī chāhatoñ ke kināre na bun Mere lafzoñ pe mat jā Ki nā-mu'tabar lafz fasl-e-khizāñ kī havā mein bikharte hue zard pattoñ Kī āwāz haiñ Mere pāoñ ke taluoñ pe yāqūt o marjāñ se hoñṭoñ Ke motī nichhāvar na kar Maiñ to kahtā thā Jazboñ kī muñh-zor āñdhī ke raste mein itne diye mat jalā Apnī khwāhish ke tapte hue dasht mein Be-jehat raqs karte bagūloñ kī khālī hathelī pe Shaffāf khwāboñ ke resham mein lipṭe hue jugnūoñ ke Gohar mat sajā Mat sajā sāzishī sūrajooñ ke muqābil sukhan āīne Maiñ to kahtā thā Chāhat kī sārī lakīreñ Sabhī zā'iqe Sab ruteñ Dhūp chā'oñ ke andhe adhūre safar se ubhartī huī Gard kī tah mein poshīda manzar ke Bante bigaṛte khadd o khāl kā Isti'āra samajh Gardish-e-roz o shab kā ishāra samajh Dekh apnī javānī kī jaltī huī dopahar mein koī khwāb dekhā na kar Mere hāthoñ kī yakh bastagī pe sar-e-shām Sochā na kar Mujh se itnī aqīdat bhī achhī nahīñ Mere nazdīk ā Mere tan mein utar Merī bāñhoñ ke āñgan mein bikhī huī dhūp mein ban sanvar Mujh se kaisā hazar? Mujh ko “apnā” samajh Mere nazdīk apnāiyat se baṛā koī rishta nahīñ Merī chāhat ko koī taqāzā samajh Mere andar kā insān farishta nahīñ Aur ab Tere rūṭhe hue lafz Gajroñ ke sūkhe hue phool Āñkhoñ mein bikhre hue āñsuoñ ke gohar Tere ma'sūm jazboñ ke sach kī musalsal gawāhī magar Maiñ to kahtā thā merī parastish na kar Maiñ to kahtā thā Merī parastish na kar