گلہ نہیں کہ مخالف مرا زمانہ ہوا
گلہ نہیں کہ مخالف مرا زمانہ ہوا میں خود ہی چھوڑ کے کار جہاں روانہ ہوا میں اب چلا کہ مرا قافلہ روانہ ہوا کبھی پھر آؤں گا واپس جو آب و دانہ ہوا میں بالمشافہ نہیں جانتا کسی کو یہاں کہ مجھ سے میرا تعارف بھی غائبانہ ہوا ہوائے گل بھی نہ پیروں کی بن سکی زنجیر بہار میں بھی نہ اب کے کوئی دوانہ ہوا جو ریگ زیر قدم آئی بن گئی سبزہ غبار سر پہ جو آیا تو شامیانہ ہوا کسی کو نوک سناں بھی ضمیر کی نہ چبھی کسی کو ایک اشارہ ہی تازیانہ ہوا زمانہ کھنچ کے نہ کیوں اس کے پاس جائے گا وہ عالی جاہ ہوا صاحب خزانہ ہوا برس رہی ہے مری چشم نم تو برسوں سے تہی نہ ابر گہربار کا خزانہ ہوا نظر میں سب کا یہ منظر سمیٹ لو محسنؔ سحر قریب ہے اب ختم یہ فسانہ ہوا
English rendering
Gila nahin ke mukhalif mera zamana hua Main khud hi chhod ke kaar-e-jahan rawana hua Main ab chala ke mera qafla rawana hua Kabhi phir aaunga wapas jo aab o dana hua Main bilmushafa nahin jaanta kisi ko yahan Ke mujh se mera ta'aruf bhi ghaibana hua Hawa-e-gul bhi na pairon ki ban saki zanjeer Bahar mein bhi na ab ke koi deewanah hua Jo reg-e-zeer-e-qadam aayi ban gai sabza Ghubaar sar pe jo aaya to shamiyana hua Kisi ko nok-e-sinan bhi zameer ki na chubhi Kisi ko ek ishaara hi taziyana hua Zamana khinch ke na kyun uske paas jaayega Woh aali-jah hua sahib-e-khazana hua Baras rahi hai meri chashm-e-nam to barson se Tehi na abr-e-gauharbaar ka khazana hua Nazar mein sab ka yeh manzar samet lo Mohsin Sahar qareeb hai ab khatam yeh fasana hua