محسن زیدی

English rendering

Jitna tehzeeb-e-badan se main sanwarta jaaun Utna hi toot ke andar se bikhrta jaaun Zindagi jaise calendar pe badalti tareekh Main shab-o-roz ke manind guzarta jaaun Kya pata khwabon ki ta'beer mile ya na mile Kisi kagaz pe unhen note hi karta jaaun Sehan-e-gulshan se woh ik aakhri rishta bhi gaya Khushk patton ki tarah ab to bikhrta jaaun Teh-e-zulmaat in aankhon ke diye jalte jaayen Zeena zeena main ujalon mein utarta jaaun Gard-e-daman ki tarah mujhko udaane wale Aks ban kar teri aankhon mein theharta jaaun Kitne ghabraaye hue hain mere qatil Mohsin Aasteenon pe lahoo ban ke ubharta jaaun