رستے میں کوئی آ کے عناں گیر ہو نہ جائے
رستے میں کوئی آ کے عناں گیر ہو نہ جائے یہ جذبۂ جنوں مرا زنجیر ہو نہ جائے اس کو جو اب کسی سے شکایت نہیں رہی پھر کیوں وہ سب سے مل کے بغل گیر ہو نہ جائے میں نے زبان دی ہے تو لب وا کروں گا کیا لیکن زبان خلق سے تشہیر ہو نہ جائے منظر یہ حشر خیز جو پیش نگاہ ہے ڈرتا ہوں میرے خواب کی تعبیر ہو نہ جائے آنکھوں میں بس گئی ہے وہ تصویر اس طرح میری نگاہ شوق بھی تصویر ہو نہ جائے محسنؔ نہ جانے صبح نمودار ہوگی کب یہ شام بے چراغ ہی تقدیر ہو نہ جائے
English rendering
Raste mein koi aa ke inaangeer ho na jaaye Yeh jazba-e-junoon mera zanjeer ho na jaaye Usko jo ab kisi se shikayat nahin rahi Phir kyun woh sab se mil ke baghal geer ho na jaaye Main ne zaban di hai to lab waa karunga kya Lekin zaban-e-khalq se tashheer ho na jaaye Manzar yeh hashr-khez jo pesh-e-nigah hai Darta hoon mere khwab ki ta'beer ho na jaaye Aankhon mein bas gai hai woh tasveer is tarah Meri nigah-e-shauq bhi tasveer ho na jaaye Mohsin na jaane subh namoodar hogi kab Yeh shaam-e-be-chiragh hi taqdeer ho na jaaye