ویسے تو ہم سفر ہیں سبھی راستوں میں لوگ
ویسے تو ہم سفر ہیں سبھی راستوں میں لوگ لیکن بنٹے ہوئے ہیں کئی قافلوں میں لوگ چہرہ اگرچہ اپنا نہیں دوسرے کا ہے خوش پھر بھی عکس دیکھ کے ہیں آئنوں میں لوگ اچھا ہے دور ابھی جو حقائق نظر سے ہیں جی لیں گے تھوڑی دیر یوںہی آسروں میں لوگ شب کو دیے جلانا بجھا دینا صبح کو مصروف رات دن ہیں انہیں مشغلوں میں لوگ سب جانتے ہیں کون ہے قاتل زمانے میں لاتے ہیں ایسی بات کہیں تذکروں میں لوگ یہ راہ حق یہ جادۂ عرفان و آگہی مارے گئے ہیں جاں سے انہیں راستوں میں لوگ محسنؔ یہ دشت جاں کا سفر سیر گل نہیں چل تو پڑے ہیں گھر سے بڑے ولولوں میں لوگ
English rendering
Waise to humsafar hain sabhi raaston mein log Lekin batay hue hain kayi qaafilon mein log Chehra agarche apna nahin doosre ka hai Khush phir bhi akss dekh ke hain aainon mein log Achha hai door abhi jo haqaa'iq nazar se hain Jee lenge thodi der yoon hi aasron mein log Shab ko diye jalaana bujha dena subh ko Masroof raat din hain inhi mashghalon mein log Sab jaante hain kaun hai qaatil zamaane mein Laate hain aisi baat kahin tazkaron mein log Yeh raah e haq yeh jaadah e irfaan o aagahi Maare gaye hain jaan se inhein raaston mein log Mohsinؔ yeh dasht e jaan ka safar sair e gul nahin Chal to paday hain ghar se bade walwalon mein log