یہ سخن جو میری زباں پہ ہے یہ سخن ہے اس کا کہا ہوا
یہ سخن جو میری زباں پہ ہے یہ سخن ہے اس کا کہا ہوا یہ بیاں جو ہے مرے نام سے یہ بیاں ہے اس کا لکھا ہوا وہی میلی میلی سی چاندنی وہی دھندلی دھندلی سی روشنی یہ چراغ کوئی چراغ ہے نہ جلا ہوا نہ بجھا ہوا وہی ایک یاد کرن کرن مری زندگی میں ہے ضو فگن وہی ایک چہرہ چمن چمن سر دشت جاں ہے کھلا ہوا سر راہ کچھ نہ پتا چلا وہ کہاں گیا وہ کدھر گیا کہیں نقش پا تھا بنا ہوا کہیں نقش پا تھا مٹا ہوا کروں دوستوں کو میں نذر کیا مرے پاس دام و درم کہاں وہ جو دشمنوں کا حساب تھا وہ تو نقد جاں سے ادا ہوا نہ کسی کی یاد کا نقش ہے نہ کسی کے رخ کا یہ عکس ہے یہ نہ کوئی حرف نہ لفظ ہے سر خاک کیا ہے لکھا ہوا مجھے محسنؔ اس کا گلہ نہیں مجھے مال و زر جو ملا نہیں جو ہنر سخن کا مجھے ملا وہ کہاں سبھی کو عطا ہوا
English rendering
Ye sukhan jo meri zaban pe hai ye sukhan hai us ka kaha hua Ye bayan jo hai mere naam se ye bayan hai us ka likha hua Wahi maili maili si chandni wahi dhundli dhundli si roshni Ye charagh koi charagh hai na jala hua na bujha hua Wahi ek yaad kiran kiran meri zindagi mein hai zau-fagan Wahi ek chehra chaman chaman sar-e-dasht-e-jaan hai khula hua Sar-e-raah kuch na pata chala wo kahan gaya wo kidhar gaya Kahin naqsh-e-pa tha bana hua kahin naqsh-e-pa tha mita hua Karun doston ko main nazr kya mere paas daam-o-diram kahan Wo jo dushmanon ka hisab tha wo to naqd-e-jaan se ada hua Na kisi ki yaad ka naqsh hai na kisi ke rukh ka ye aks hai Ye na koi harf na lafz hai sar-e-khak kya hai likha hua Mujhe Mohsin us ka gila nahin mujhe maal-o-zar jo mila nahin Jo hunar-e-sukhan ka mujhe mila wo kahan sabhi ko ata hua