آندھی چلی تو نقش کف پا نہیں ملا
آندھی چلی تو نقش کف پا نہیں ملا دل جس سے مل گیا وہ دوبارا نہیں ملا ہم انجمن میں سب کی طرف دیکھتے رہے اپنی طرح سے کوئی اکیلا نہیں ملا آواز کو تو کون سمجھتا کہ دور دور خاموشیوں کا درد شناسا نہیں ملا قدموں کو شوق آبلہ پائی تو مل گیا لیکن بہ ظرف وسعت صحرا نہیں ملا کنعاں میں بھی نصیب ہوئی خود دریدگی چاک قبا کو دست زلیخا نہیں ملا مہر و وفا کے دشت نوردو جواب دو تم کو بھی وہ غزال ملا یا نہیں ملا کچے گھڑے نے جیت لی ندی چڑھی ہوئی مضبوط کشتیوں کو کنارا نہیں ملا
English rendering
Aandhi chali to naqsh-e-kaf-e-pa nahin mila Dil jis se mil gaya woh dobara nahin mila Hum anjuman mein sab ki taraf dekhte rahe Apni tarah se koi akela nahin mila Aawaaz ko to kaun samajhta ke door door Khamoshiyon ka dard-shanaasa nahin mila Qadmon ko shauq-e-aabla-paai to mil gaya Lekin ba-zarf-e-wusat-e-sehra nahin mila Kanaan mein bhi naseeb hui khud dareedagi Chaak-e-qaba ko dast-e-Zuleikha nahin mila Mehar o wafa ke dasht-nawardo jawab do Tum ko bhi woh ghazal mila ya nahin mila Kachche ghade ne jeet li nadi chadhi hui Mazboot kashtiyon ko kinara nahin mila