بنام وطن
کون ہے جو آج طلبگار ِ نیاز و تکریم وہی ہر عہد کا جبروت وہی کل کے لئیم وہی عیّار گھرانے وہی ، فرزانہ حکیم وہی تم ، لائق صد تذکرہء و صد تقویم تم وہی دُشمن ِ احیائے صدا ہو کہ نہیں پسِ زنداں یہ تمہی جلوہ نما ہو کہ نہیں تم نے ہر عہد میں نسلوں سے غدّاری کی تم نے بازاروں میں عقلوں کی خریداری کی اینٹ سے اینٹ بجادی گئی خودداری کی خوف کو رکھ لیا خدمت پہ کمانداری کی آج تم مجھ سے مری جنس ِ گراں مانگتے ہو حَلَفِ ذہن و وفادارئ جاں مانگتے ہو جاؤ یہ چیز کسی مدح سرا سے مانگو طائفے والوں سے ڈھولک کی صدا سے مانگو اپنے دربانوں سے بدتر فُقرا سے مانگو اپنے دربار کے گونگے شُعرا سے مانگو مجھ سے پوچھو ے تو خنجر سے عُدو بولے گا گردنیں کاٹ بھی دو گے تو لہو بولے گا تم نے ہر دور میں دانش پہ کئی وار کئے جبر کے منہ میں دہکتے ہوئے الفاظ دِیے اپنی آسائش ِ یک عُمر ِ گریزاں کے لِیے سب کو تاراج کیا تم نے مگر تم نہ جیے علم نے خونِ رگِ جاںدیا اور نہ مَرا علم نے زہر کا ہیمانہ پیا اور نہ مَرا علم سقراط کی آواز ہے عیسےٰ کا لہو علم گہوارہ و سیّارہ و انجام و نُمو عِلم عبّاس علمدار کے زخمی بازُو علم بیٹے کی نئی قبر پہ ماں کے آنسوُ وادئ ابر میں قطروں کو ترس جائے گا جو ان اشکوں پہ ہنسے گا وہ جھلس جائے گا تم ہی بتلاؤ کہ میں کس کا وفادار بنوں عصمتِ حرف کا یا دار کا غمخوار بنوں مشعلوں کا یا اندھیروں کا طلبگار بنوں کس کے خرمن کے لیے شعلہء اسرار بنوں کون سے دل سے تمہیں ساعتِ فردا دے دوں قاتلوں کو نفسِ حضرتِ عیسیٰ دے دوں صُبح ِ کاشی کا ترنّم مری آواز میں ہے سندھ کی شام کا آہنگ مرے ساز میں ہے کوہساروں کی صلابت مرے ایجاز میں ہے بال ِ جبریل کی آہٹ مری پرواز میں ہے یہ جبیں کون سی چوکھٹ پہ جھکے گی بولو کس قفس سے مری پرواز رُکے گی بولو کس قفس سے غمِ دل قید ہوا ہے اب تک کس کے فرمان کی پابند ہے رفتار ِ فلک کون سی رات نے روکی ہے ستاروں کی چمک کس کی دیوار سے سمٹی ہے چنبیلی کی مہک دشتِ ایثار میں کب آبلہ پا رُکتا ہے کون سے بند سے سیلابِ وفا رُکتا ہے بہ وفادارئ رہ وار و بہ تکریمِ علم بہ گہربارئ الفاظ صنا دیدِ عجم بہ صدائے جرس قافلئہ اہلِ قلم مجھ کو ہر قطرہء خُون ِ شُہدا تیری قسم منزلیں آکے پُکاریں گی سفر سے پہلے جُھک پڑے گا در ِ زنداں مرے سر سے پہلے آج تم رام کے مونس نہ ہنومان کے دوست تم نہ کافر کے ثنا خواں نہ ممُسلمان کے دوست نہ تم الحاد کے حامی ہو نہ ایمان کے دوست تم نہ اشلوک کے حامی ہو نہ قرآن کے دوست تم تو سکّوں کی لپکتی ہوئی جھنکاروں میں اپنی ماؤں کو اٹھا لاتے ہو بازاروں میں ذہن پر خوف کی بنیاد اٹھانے والوں ظلم کی فصل کو کھیتوں میں اُگانے والوں گیت کے شہر کو بندوق سے ڈھانے والوں فکر کی راہ میں بارُود بچھانے والوں کب تک اس شاخِ گلستاں کی رگیں ٹوٹیں گی کونپلیں آج نہ پُھوٹیں گی تو کل پُھوٹیں گی کس پہ لبّیک کہو گے کہ نہ ہوگی باہم جوہری بم کی صدا اور صدائے گوتم رزق برتر ہے کہ شعلہ بداماں ایٹم گھر کے چُولھے سے اُترتی ہوئی روٹی کی قسم زخم اچھا ہے کہ ننھی سی کلی اچھی ہے خوف اچھا ہے کہ بچوں کی ہنسی اچھی ہے ہو گئے راکھ جو کھلیان اُنہیں دیکھا ہے ایک اک خوشئہ گندم تمہیں کیا کہتا ہے ایک اک گھاس کی پتّی کا فسانہ کیا ہے آگ اچھی ہے کہ دستور ِ نمو اچھا ہے محفلوں میں جو یونہی جام لہو کے چھلکے تم کو کیا کہ کے پُکاریں گے مورّخ کل کے؟ بُوٹ کی نوک سے قبروں کو گرانے والو تمغئہ مکر سے سینوں کو سجانے والوں کشتیاں دیکھ کے طوفان اُٹھانے والوں برچھیوں والو ، کماں والو ، نشانے والوں دل کی درگاہ میں پندار مِٹا کر آؤ اپنی آواز کی پلکوں کو جُھکا کر آؤ کیا قیامت ہے کہ ذرّوں کی زباں جلتی ہے مصر میں جلوہء یوسف کی دکاں جلتی ہے عصمتِ دامنِ مریم کی فغاں جلتی ہے بھیم کا گرز اور ارجن کی کماں جلتی ہے چوڑیاں روتی ہیں پیاروں کی جدائی کی طرح زندگی ننگی ہے بیوہ کی کلائی کی طرح صاحبانِ شبِ دیجور سحر مانگتے ہیں پیٹ کے زمزمہ خواں دردِ جگر مانگتے ہیں کور دل خیر سے شاہیں کی نظر مانگتے ہیں آکسیجن کے تلے عمر خضر مانگتے ہیں اپنے کشکول میں ایوانِ گُہر ڈھونڈتے ہیں اپنے شانوں پہ کسی اور کا سر ڈھونڈتے ہیں تو ہی بول اے درِ زنداں ، شبِ غم تو ہی بتا کیا یہی ہے مرے بے نام شہیدوں کا پتا کیا یہی ہے مرے معیارِ جنوں کا رستا دل دہلتے ہیں جو گرتا ہے سڑک پر پتّا اک نہ اک شورشِ زنجیر ہے جھنکار کے ساتھ اک نہ اک خوف لگا بیٹھا ہے دیوار کے ساتھ اتنی ویراں تو کبھی صبح بیاباں بھی نہ تھی اتنی پرخار کبھی راہِ مغیلاں بھی نہ تھی کوئی ساعت کبھی اِس درجہ گریزاں بھی نہ تھی اتنی پُر ہول کبھی شامِ غریباں بھی نہ تھی اے وطن کیسے یہ دھبّے در و دیوار پہ ہیں کس شقی کے یہ تمانّچے ترے رُخسار پہ ہیں اے وطن یہ ترا اُترا ہوا چہرہ کیوں ہے غُرفہ و بامِ شبستاں میں اندھیرا کیوں ہے درد پلکوں سے لہو بن کے چھلکتا کیوں ہے ایک اک سانس پہ تنقید کا پہرا کیوں ہے کس نے ماں باپ کی سی آنکھ اُٹھالی تجھ سے چھین لی کس نے ترے کان کی بالی تجھ سے رودِ راوی ترے ممنونِ کرم کیسے ہیں صنعتیں کیسی ہیں تہذیب کے خم کیسے ہیں اے ہڑپّہ ترے مجبور قدم کیسے ہیں بول اے ٹیکسلا تیرے صنم کیسے ہیں ذہن میں کون سے معیار ہیں برنائی کے مانچسٹر کے لبادے ہیں کہ ہرنائی کے عسکریت بڑی شے ہے کہ محبّت کے اصول بولہب کا گھرانہ ہے کہ درگاہِ رسول طبل و لشکر مُتبرّک ہیں کہ تطہیرِ بُتول مسجدیں علم کا گھر ہیں کہ مشن کے اسکول آج جو بیتی ہے کیا کل بھی یہی بیتے گی بینڈ جیتے گا یا شاعر کی غزل جیتے گی
English rendering
Kaun hai jo aaj talabgar-e-niyaz o takreem Wohi har ahd ka jabroot wohi kal ke laeem Wohi ayyar gharane wohi, farzana hakeem Wohi tum, laiq-e-sad tazkirah o sad taqveem Tum wohi dushman-e-ihya-e-sada ho ke nahin Pas-e-zindan yeh tumhi jalwa numa ho ke nahin Tum ne har ahd mein naslon se ghaddari ki Tum ne bazaaron mein aqalon ki khareedari ki Eent se eent bajadi gayi khud-dari ki Khauf ko rakh liya khidmat pe kamaan-dari ki Aaj tum mujh se meri jins-e-giran mangte ho Halaf-e-zehn o wafadari-e-jaan mangte ho Jao yeh cheez kisi madh-sara se maango Taife walon se dholak ki sada se maango Apne darbano se badtar fuqra se maango Apne darbar ke goonge shu'ara se maango Mujh se poochho aye to khanjar se adoo boley ga Gardanein kaat bhi do ge to lahoo boley ga Tum ne har daur mein danish pe kayi waar kiye Jabr ke munh mein dehakte hue alfaz diye Apni aasayesh-e-yak umr-e-gurezan ke liye Sab ko taraj kiya tum ne magar tum na jiye Ilm ne khoon-e-rag-e-jaan diya aur na mara Ilm ne zehr ka paimana piya aur na mara Ilm Suqrat ki awaz hai Eesa ka lahoo Ilm gehwara o sayyara o anjaam o numoo Ilm Abbas Alamdar ke zakhmi bazoo Ilm bete ki nayi qabr pe maa ke aansoo Wadi-e-abr mein qatron ko taras jaye ga Jo in ashkon pe hanse ga woh jhulas jaye ga Tum hi batlao ke main kis ka wafadar banun Ismat-e-harf ka ya daar ka ghamkhwar banun Mash'alon ka ya andheron ka talabgar banun Kis ke khirman ke liye shola-e-israr banun Kaun se dil se tumhein saat-e-farda de doon Qatilon ko nafs-e-Hazrat-e-Eesa de doon Subh-e-Kashi ka tarannum meri awaz mein hai Sindh ki shaam ka aahang mere saaz mein hai Kohsaron ki salabat mere ejaz mein hai Baal-e-Jibriel ki aahat meri parwaz mein hai Yeh jabeen kaun si chaukhat pe jhuke gi bolo Kis qafas se meri parwaz ruke gi bolo Kis qafas se gham-e-dil qaid hua hai ab tak Kis ke farmaan ki paband hai raftaar-e-falak Kaun si raat ne roki hai sitaron ki chamak Kis ki deewar se simti hai chambeli ki mehak Dasht-e-eesaar mein kab aabla pa rukta hai Kaun se band se sailaab-e-wafa rukta hai Ba wafadari-e-reh-war o ba takreem-e-ilm Ba gohar-bari-e-alfaz sana deed-e-ajam Ba sada-e-jaras qafileh-e-ahl-e-qalam Mujh ko har qatrah-e-khoon-e-shuhada teri qasam Manzilein aake pukarein gi safar se pehle Jhuk pade ga dar-e-zindan mere sar se pehle Aaj tum Ram ke moonis na Hanuman ke dost Tum na kafir ke sana khwan na Musalman ke dost Na tum ilhad ke haami ho na imaan ke dost Tum na ashlook ke haami ho na Quran ke dost Tum to sikkon ki lapakti hui jhankaroon mein Apni maaon ko utha laate ho bazaaron mein Zehn par khauf ki bunyad uthane walo Zulm ki fasl ko kheton mein ugaane walo Geet ke shehr ko bandook se dhane walo Fikr ki raah mein barood bichhane walo Kab tak is shakh-e-gulistan ki ragen tootein gi Konplein aaj na phootein gi to kal phootein gi Kis pe labbaik kaho ge ke na hogi baham Johari bomb ki sada aur sada-e-Gautam Rizq bartar hai ke shola badaman atom Ghar ke choolhe se utarti hui roti ki qasam Zakhm achha hai ke nanhi si kali achhi hai Khauf achha hai ke bachchon ki hansi achhi hai Ho gaye raakh jo khaliyan unhein dekha hai Ek ek khosha-e-gandum tumhein kya kehta hai Ek ek ghaas ki patti ka fasana kya hai Aag achhi hai ke dastoor-e-numoo achha hai Mehfilon mein jo yunhi jaam lahoo ke chhalke Tum ko kya keh ke pukarein ge muarrikh kal ke? Boot ki nok se qabron ko girane walo Tamgha-e-makr se seenon ko sajaane walo Kashtiyan dekh ke toofan uthane walo Barchhiyon walo, kamaan walo, nishane walo Dil ki dargah mein pindaar mita kar aao Apni awaz ki palkon ko jhuka kar aao Kya qayamat hai ke zarron ki zaban jalti hai Misr mein jalwa-e-Yusuf ki dukan jalti hai Ismat-e-daman-e-Maryam ki fughan jalti hai Bheem ka gurz aur Arjun ki kamaan jalti hai Chooriyan roti hain piyaron ki judai ki tarah Zindagi nangi hai bewa ki kalai ki tarah Sahiban-e-shab-e-dejoor sahar mangte hain Pet ke zamzama khwan dard-e-jigar mangte hain Koor dil khair se shaheen ki nazar mangte hain Oxygen ke tale umr-e-Khizr mangte hain Apne kashkol mein aiwan-e-gohar dhoondte hain Apne shano par kisi aur ka sar dhoondte hain Tu hi bol aye dar-e-zindan, shab-e-gham tu hi bata Kya yehi hai mere be-naam shaheedon ka pata Kya yehi hai mere miyar-e-junoon ka rasta Dil dehalte hain jo girta hai sadak par patta Ek na ek shorish-e-zanjeer hai jhankar ke saath Ek na ek khauf laga baitha hai deewar ke saath Itni veeran to kabhi subh-e-bayaban bhi na thi Itni purkhar kabhi rah-e-mughilan bhi na thi Koyi saa'at kabhi is darja gurezan bhi na thi Itni pur haul kabhi sham-e-ghareeban bhi na thi Aye watan kaise yeh dhabbe dar o deewar pe hain Kis shaqi ke yeh tamache tere rukhsar pe hain Aye watan yeh tera utra hua chehra kyun hai Ghurfa o baam-e-shabistan mein andhera kyun hai Dard palkon se lahoo ban ke chhalkta kyun hai Ek ek saans pe tanqeed ka pahra kyun hai Kis ne maa baap ki si aankh utha li tujh se Chheen li kis ne tere kaan ki baali tujh se Rood-e-Ravi tere mamnoon-e-karam kaise hain San'atein kaisi hain tehzeeb ke kham kaise hain Aye Harappa tere majboor qadam kaise hain Bol aye Taxila tere sanam kaise hain Zehn mein kaun se miyar hain barnai ke Manchester ke libade hain ke Harnai ke Askariyat badi shai hai ke mohabbat ke usool Bolahab ka gharana hai ke dargah-e-Rasool Tabl o lashkar mutabarrak hain ke tatheer-e-batool Masjidein ilm ka ghar hain ke mission ke school Aaj jo beeti hai kya kal bhi yehi beetegi Band jeetega ya shayar ki ghazal jeetegi