ایک شام
یوں تو لمحوں کے اس تسلسل میں اب سے پہلے بھی عمر کٹتی تھی موم بتی کی روشنی میں نظر حافظے کے ورق الٹتی تھی ریت کے سوگوار ٹیلوں پر چاندنی رات بھر بھٹکتی تھی آج لیکن تھکے ہوئے دل پر جسم کا تار تار بھاری ہے شام کی دم بخود ہواؤں پر صبح کا انتظار بھاری ہے مقبروں سے اٹھی ہوئی آندھی ٹہنیوں سے الجھ کے چلتی ہے خشک پلکوں پہ آنسوؤں کی امید پے بہ پے کروٹیں بدلتی ہے ایک اک عکس سانس لیتا ہے ایک اک یاد آنکھ ملتی ہے جیسے صحرا میں سر جھکائے ہوئے حاجیوں کی قطار چلتی ہے زرد چنگاریوں کے دامن میں یوں سلگتا ہے سرد آتش دان جیسے بچوں کی بھوک کے آگے ایک نادار باپ کا ایمان دم بخود خامشی میں دھیرے سے زرد پتے قدم اٹھاتے ہیں یاد کے کارواں اندھیرے میں خواب کی طرح سرسراتے ہیں کھڑکیوں کے ڈرے ہوئے چہرے اپنی آہٹ سے کانپ جاتے ہیں دل کی قربان گاہ کے آگے ایک ٹوٹا ہوا دیا بھی نہیں کسی پیپل کے نرم سائے میں کوئی پتھر کا دیوتا بھی نہیں روح کے کاسۂ گدائی کو چار ٹکڑوں کا آسرا بھی نہیں لمبی چوڑی سڑک کے دامن پر قمقمے سہمے سہمے جلتے ہیں جیسے اکثر بڑے گھرانوں میں فاقہ کش رشتہ دار پلتے ہیں سوچتا ہوں کہ اس دیار سے دور ایک ایسا بھی دیس ہے جس کی رات تاروں میں سج کے آئے گی صبح ہوگی تو گھر کے گوشوں میں تیری معصوم مسکراہٹ کی نرم سی دھوپ پھیل جائے گی
English rendering
Yoon to lamhon ke is tasalsul mein Ab se pehle bhi umar katti thi Mom bati ki roshni mein nazar Haafize ke waraq ulatti thi Reit ke sogwaar teelon par Chandni raat bhar bhatakti thi Aaj lekin thake hue dil par Jism ka taar taar bhaari hai Shaam ki dam ba-khud hawaon par Subah ka intezar bhaari hai Maqbaron se uthi hui aandhi Tehniyon se ulajh ke chalti hai Khushk palkon pe aansuon ki umeed Pay ba pay karwatein badalti hai Ek ek aks saans leta hai Ek ek yaad aankh malti hai Jaise sehra mein sar jhukaye hue Hhajiyon ki qitaar chalti hai Zard chingaariyon ke daman mein Yoon sulagta hai sard aatish daan Jaise bachon ki bhook ke aage Ek nadaar baap ka imaan Dam ba-khud khamoshi mein dheere se Zard patte qadam uthate hain Yaad ke karwaan andhere mein Khwab ki tarah sarsaraate hain Khidkiyon ke dare hue chehre Apni aahat se kaanp jaate hain Dil ki qurbaan gaah ke aage Ek toota hua diya bhi nahin Kisi peepal ke narm saaye mein Koi patthar ka devta bhi nahin Rooh ke kasa-e-gadaai ko Chaar tukdon ka aasra bhi nahin Lambi chaudi sadak ke daman par Qumqume sehme sehme jalte hain Jaise aksar bade gharanon mein Faqa-kash rishta-daar palte hain Sochta hoon ke is dayar se door Ek aisa bhi des hai jis ki Raat taaron mein saj ke aaye gi Subah hogi to ghar ke goshe mein Teri masoom muskurahat ki Narm si dhoop phail jaye gi