وفا کیسی؟
آج وہ آخری تصویر جلا دی ہم نے جس سے اس شہر کے پھولوں کی مہک آتی تھی جس سے بے نور خیالوں پہ چمک آتی تھی کعبۂ رحمت اصنام تھا جو مدت سے آج اس قصر کی زنجیر ہلا دی ہم نے آگ، کاغذ کے چمکتے ہوئے سینے پہ بڑھی خواب کی لہر میں بہتے ہوئے آئے ساحل مسکراتے ہوئے ہونٹوں کا سلگتا ہوا کرب سرسراتے ہوئے لمحوں کے دھڑکتے ہوئے دل جگمگاتے ہوئے آویزاں کی مبہم فریاد دشت غربت میں کسی حجلہ نشیں کا محمل ایک دن روح کا ہر تار صدا دیتا تھا کاش ہم بک کے بھی اس جنس گراں کو پا لیں خود بھی کھو جائیں پر اس رمز نہاں کو پا لیں عقل اس حور کے چہرے کی لکیروں کو اگر آ مٹاتی تھی تو دل اور بنا دیتا تھا اور اب یاد کے اس آخری پیکر کا طلسم قصۂ رفتہ بنا زیست کی ماتوں سے ہوا دور اک کھیت پہ بادل کا ذرا سا ٹکڑا دھوپ کا ڈھیر ہوا دھوپ کے ہاتوں سے ہوا اس کا پیار اس کا بدن اس کا مہکتا ہوا روپ آگ کی نذر ہوا اور انہی باتوں سے ہوا
English rendering
Aaj woh aakhri tasveer jala di hum ne Jis se is shahar ke phoolon ki mehak aati thi Jis se be-noor khayalon pe chamak aati thi Kaaba-e-rehmat-e-asnam tha jo muddat se Aaj us qasr ki zanjeer hila di hum ne Aag, kaghaz ke chamakte hue seene pe badhi Khwab ki lehar mein behte hue aaye sahil Muskuraate hue honton ka sulagta hua karb Sarsaraate hue lamhon ke dhadakte hue dil Jagmagate hue aaveezaan ki mubham fariyaad Dasht-e-ghurbat mein kisi hujla-nasheen ka mahmal Ek din rooh ka har taar sada deta tha Kash hum bik ke bhi is jins-e-giraan ko paa lein Khud bhi kho jayen par is ramz-e-nihan ko paa lein Aql is hoor ke chehre ki lakeeron ko agar Aa mitaati thi to dil aur bana deta tha Aur ab yaad ke is aakhri paikar ka tilism Qissa-e-rafta bana zeest ki maaton se hua Door ek khet pe badal ka zara sa tukda Dhoop ka dheer hua dhoop ke haathon se hua Us ka pyar us ka badan us ka mehakta hua roop Aag ki nazr hua aur inhi baaton se hua