آج کی شب تو کسی طور گزر جائے گی
آج کی شب تو کسی طور گزر جائے گی رات گہری ہے مگر چاند چمکتا ہے ابھی میرے ماتھے پہ ترا پیار دمکتا ہے ابھی میری سانسوں میں ترا لمس مہکتا ہے ابھی میرے سینے میں ترا نام دھڑکتا ہے ابھی زیست کرنے کو مرے پاس بہت کچھ ہے ابھی تیری آواز کا جادو ہے ابھی میرے لیے تیرے ملبوس کی خوشبو ہے ابھی میرے لیے تیری بانہیں ترا پہلو ہے ابھی میرے لیے سب سے بڑھ کر مری جاں تو ہے ابھی میرے لیے زیست کرنے کو مرے پاس بہت کچھ ہے ابھی آج کی شب تو کسی طور گزر جائے گی! آج کے بعد مگر رنگ وفا کیا ہوگا عشق حیراں ہے سر شہر صبا کیا ہوگا میرے قاتل ترا انداز جفا کیا ہوگا! آج کی شب تو بہت کچھ ہے مگر کل کے لیے ایک اندیشۂ بے نام ہے اور کچھ بھی نہیں دیکھنا یہ ہے کہ کل تجھ سے ملاقات کے بعد رنگ امید کھلے گا کہ بکھر جائے گا وقت پرواز کرے گا کہ ٹھہر جائے گا جیت ہو جائے گی یا کھیل بگڑ جائے گا خواب کا شہر رہے گا کہ اجڑ جائے گا
English rendering
Aaj ki shab toh kisi taur guzar jaayegi Raat gehri hai magar chand chamakta hai abhi Mere mathe pe tera pyar damakta hai abhi Meri sanson mein tera lams mehakta hai abhi Mere seene mein tera naam dhadakta hai abhi Zeest karne ko mere paas bahut kuch hai abhi Teri awaaz ka jaadu hai abhi mere liye Tere malboos ki khushboo hai abhi mere liye Teri baanhein tera pehlu hai abhi mere liye Sab se badh kar meri jaan tu hai abhi mere liye Zeest karne ko mere paas bahut kuch hai abhi Aaj ki shab toh kisi taur guzar jaayegi! Aaj ke baad magar rang-e-wafa kya hoga Ishq hairan hai sar-e-shehar-e-saba kya hoga Mere qatil tera andaaz-e-jafa kya hoga! Aaj ki shab toh bahut kuch hai magar kal ke liye Ek andesha-e-be-naam hai aur kuch bhi nahi Dekhna yeh hai ke kal tujh se mulaqat ke baad Rang-e-ummeed khulega ke bikhar jaayega Waqt parwaz karega ke thahar jaayega Jeet ho jaayegi ya khel bigad jaayega Khwab ka shehar rahega ke ujad jaayega