دروازہ جو کھولا تو نظر آئے کھڑے وہ
دروازہ جو کھولا تو نظر آئے کھڑے وہ حیرت ہے مجھے آج کدھر بھول پڑے وہ بُھولا نہیں دل ہجر کے لمحات کڑے وہ راتیں تو بڑی تھیں ہی مگر دن بھی بڑے وہ کیوں جان پہ بن آئی ہے بِگڑا ہے اگر وہ اُس کی تو یہ عادت کے ہواؤں سے لڑے وہ الفاظ تھے اُس کے کہ بہاروں کے پیامات خوشبو سی برسنے لگی یوں پھول جھڑے وہ طوفاں ہے تو کیا غم،مجھے آواز تو دیجے کیا بُھول گئے آپ مرے کچے گھڑے وہ
English rendering
Darwaza jo khola to nazar aaye khaṛe wo Hairat hai mujhe aaj kidhar bhool paṛe wo Bhula nahin dil hijr ke lamhaat kaṛe wo Raaten to baṛi thin hi magar din bhi baṛe wo Kyun jaan pe ban aayi hai bigṛa hai agar wo Us ki to ye aadat ke hawaon se laṛe wo Alfaaz the us ke ke bahaaron ke paiġhaamat Khushboo si barasne lagi yun phool jhaṛe wo Toofan hai to kya gham, mujhe awaaz to deeje Kya bhool gaye aap mere kachche ghaṛe wo