اپنی ہی صدا سنوں کہاں تک
اپنی ہی صدا سنوں کہاں تک جنگل کی ہوا رہوں کہاں تک ہر بار ہوا نہ ہوگی در پر ہر بار مگر اٹھوں کہاں تک دم گھٹتا ہے گھر میں حبس وہ ہے خوشبو کے لئے رکوں کہاں تک پھر آ کے ہوائیں کھول دیں گی زخم اپنے رفو کروں کہاں تک ساحل پہ سمندروں سے بچ کر میں نام ترا لکھوں کہاں تک تنہائی کا ایک ایک لمحہ ہنگاموں سے قرض لوں کہاں تک گر لمس نہیں تو لفظ ہی بھیج میں تجھ سے جدا رہوں کہاں تک سکھ سے بھی تو دوستی کبھی ہو دکھ سے ہی گلے ملوں کہاں تک منسوب ہو ہر کرن کسی سے اپنے ہی لیے جلوں کہاں تک آنچل مرے بھر کے پھٹ رہے ہیں پھول اس کے لئے چنوں کہاں تک
English rendering
Apni hi sada sunun kahan tak Jungle ki hawa rahun kahan tak Har baar hawa na hogi dar par Har baar magar uthun kahan tak Dam ghut'ta hai ghar mein habs woh hai Khushboo ke liye rukun kahan tak Phir aa ke hawaa'ein khol dengi Zakhm apne rafu karun kahan tak Saahil pe samundaron se bach kar Main naam tera likhun kahan tak Tanhaai ka ek ek lamha Hangaamon se qarz lun kahan tak Gar lams nahin to lafz hi bhej Main tujh se judaa rahun kahan tak Sukh se bhi to dosti kabhi ho Dukh se hi gale milun kahan tak Mansub ho har kiran kisi se Apne hi liye jalun kahan tak Aanchal mere bhar ke phat rahe hain Phool us ke liye chunun kahan tak