اپنی رسوائی ترے نام کا چرچا دیکھوں
اپنی رسوائی ترے نام کا چرچا دیکھوں اک ذرا شعر کہوں اور میں کیا کیا دیکھوں نیند آ جائے تو کیا محفلیں برپا دیکھوں آنکھ کھل جائے تو تنہائی کا صحرا دیکھوں شام بھی ہو گئی دھندلا گئیں آنکھیں بھی مری بھولنے والے میں کب تک ترا رستا دیکھوں ایک اک کر کے مجھے چھوڑ گئیں سب سکھیاں آج میں خود کو تری یاد میں تنہا دیکھوں کاش صندل سے مری مانگ اجالے آ کر اتنے غیروں میں وہی ہاتھ جو اپنا دیکھوں تو مرا کچھ نہیں لگتا ہے مگر جان حیات جانے کیوں تیرے لیے دل کو دھڑکنا دیکھوں بند کر کے مری آنکھیں وہ شرارت سے ہنسے بوجھے جانے کا میں ہر روز تماشا دیکھوں سب ضدیں اس کی میں پوری کروں ہر بات سنوں ایک بچے کی طرح سے اسے ہنستا دیکھوں مجھ پہ چھا جائے وہ برسات کی خوشبو کی طرح انگ انگ اپنا اسی رت میں مہکتا دیکھوں پھول کی طرح مرے جسم کا ہر لب کھل جائے پنکھڑی پنکھڑی ان ہونٹوں کا سایا دیکھوں میں نے جس لمحے کو پوجا ہے اسے بس اک بار خواب بن کر تری آنکھوں میں اترتا دیکھوں تو مری طرح سے یکتا ہے مگر میرے حبیب جی میں آتا ہے کوئی اور بھی تجھ سا دیکھوں ٹوٹ جائیں کہ پگھل جائیں مرے کچے گھڑے تجھ کو میں دیکھوں کہ یہ آگ کا دریا دیکھوں
English rendering
Apni ruswai tere naam ka charcha dekhun Ik zara sher kahun aur main kya kya dekhun Neend aa jaaye to kya mahfilen barpa dekhun Aankh khul jaaye to tanhaai ka sehra dekhun Shaam bhi ho gai dhundhla gayeen aankhen bhi meri Bhoolne wale main kab tak tera rasta dekhun Ek ek kar ke mujhe chhod gayeen sab sakhiyan Aaj main khud ko teri yaad mein tanha dekhun Kaash sandal se meri maang ujaale aa kar Itne ghairon mein wahi haath jo apna dekhun Tu mera kuchh nahin lagta hai magar jaan-e-hayaat Jaane kyun tere liye dil ko dhadakna dekhun Band kar ke meri aankhen woh sharaarat se hanse Bojhe jaane ka main har roz tamaasha dekhun Sab zidein us ki main poori karun har baat sunun Ek bachche ki tarah se use hansta dekhun Mujh pe chha jaaye woh barsaat ki khushboo ki tarah Ang ang apna isi rut mein mehakta dekhun Phool ki tarah mere jism ka har lab khul jaaye Pankhadi pankhadi un honton ka saaya dekhun Main ne jis lamhe ko pooja hai use bas ek baar Khwab ban kar teri aankhon mein utarta dekhun Tu meri tarah se yakta hai magar mere habeeb Jee mein aata hai koi aur bhi tujh sa dekhun Toot jaayen ke pighal jaayen mere kachche ghade Tujh ko main dekhun ke yeh aag ka darya dekhun