بچھڑا ہے جو اک بار تو ملتے نہیں دیکھا
بچھڑا ہے جو اک بار تو ملتے نہیں دیکھا اس زخم کو ہم نے کبھی سلتے نہیں دیکھا اک بار جسے چاٹ گئی دھوپ کی خواہش پھر شاخ پہ اس پھول کو کھلتے نہیں دیکھا یک لخت گرا ہے تو جڑیں تک نکل آئیں جس پیڑ کو آندھی میں بھی ہلتے نہیں دیکھا کانٹوں میں گھرے پھول کو چوم آئے گی لیکن تتلی کے پروں کو کبھی چھلتے نہیں دیکھا کس طرح مری روح ہری کر گیا آخر وہ زہر جسے جسم میں کھلتے نہیں دیکھا
English rendering
Bichhṛā hai jo ek bār toh milte nahīñ dekhā Us zaḳhm ko ham ne kabhī silte nahīñ dekhā Ek bār jise chāṭ gaī dhūp kī ḳhvāhish Phir shāḳh pe us phūl ko khilte nahīñ dekhā Yak laḳht girā hai toh jaṛeñ tak nikal āīñ Jis peṛ ko āñdhī maiñ bhī hilte nahīñ dekhā Kāñṭoñ maiñ ghare phūl ko chūm āe gī lekin Titlī ke paroñ ko kabhī chhalte nahīñ dekhā Kis tarah mirī rūh harī kar gayā āḳhir Voh zehar jise jism maiñ khilte nahīñ dekhā