فبأیّ آلاء ربکما تکذبٰن
دل آزاری بھی اک فن ہے اور کچھ لوگ تو ساری زندگی اسی کی روٹی کھاتے ہیں چاہے ان کا برج کوئی ہو عقرب ہی لگتے ہیں تیسرے درجے کے پیلے اخباروں پر یہ اپنی یرقانی سوچوں سے اور بھی زردی ملتے رہتے ہیں مالا باری کیبن ہوں یا پانچ ستارہ ہوٹل کہیں بھی قے کرنے سے باز نہیں آتے اوپر سے اس عمل کو فقرے بازی کہتے ہیں جس کا پہلا نشانہ عموما بل کو ادا کرنے والا ساتھی ہوتا ہے! اپنے اپنے کنوئیں کو بحر اعظم کہنے اور سمجھنے والے یہ ننھے مینڈک ہر ہاتھی کو دیکھ کے پھولنے لگے ہیں اور جب پھٹنے والے ہوں تو ہاتھی کی آنکھوں پر پھبتی کسنے لگے ہیں کوے بھی انڈے کھانے کے شوق کو اپنے فاختہ کے گھر جا کر پورا کرتے ہیں لیکن یہ وہ سانپ ہیں جو کہ اپنے بچے خود ہی چٹ کر جاتے ہیں کبھی کبھی میں سوچتی ہوں کہ سانپوں کی یہ خصلت مالک جن و انس کی، انسانوں کے حق میں کیسی بے پایاں رحمت ہے!
English rendering
Dil aazari bhi ek fun hai Aur kuch log to Saari zindagi isi ki roti khate hain Chahe un ka burj koi ho Aqrab hi lagte hain Teesri darje ke peele akhbaron par yeh Apni yarqani sochon se Aur bhi zardi malte rehte hain Malabari cabin hon ya paanch sitara hotel Kahin bhi qai karne se baaz nahin aate Upar se is amal ko Fiqre bazi kehte hain Jis ka pehla nishana umooman Bill ko ada karne wala saathi hota hai! Apne apne kunwein ko bahr-e-aazam kehne aur samajhne wale Yeh nanhe mendak Har haathi ko dekh ke phoolne lage hain Aur jab phatne wale hon to Haathi ki aankhon par phabti kasne lage hain Kauwe bhi ande khane ke shauq ko apne Faakhta ke ghar ja kar poora karte hain Lekin yeh woh saanp hain jo ke Apne bacche Khud hi chat kar jaate hain Kabhi kabhi main sochti hoon ke Saanpon ki yeh khislat Malik-e-jinn o ins ki, insanon ke haq mein Kaisi be-payaan rehmat hai!