ہوا جام صحت تجویز کرتی ہے
مجھے معلوم تھا یہ دن بھی دکھ کی کوکھ سے پھوٹا ہے میری ماتمی چادر نہیں تبدیل ہوگی آج کے دن بھی جو راکھ اڑتی تھی خوابوں کی بدن میں یوں ہی آشفتہ رہے گی اور اداسی کی یہی صورت رہے گی میں اپنے سوگ میں ماتم کناں یوں سر بہ زانو رات تک بیٹھی رہوں گی اور مرے خوابوں کا پرسہ آج بھی کوئی نہیں دے گا مگر یہ کون ہے جو یوں مجھے باہر بلاتا ہے بڑی نرمی سے کہتا ہے کہ اپنے حجرہ غم سے نکل کر باغ میں آؤ ذرا باہر تو دیکھو دور تک سبزہ بچھا ہے اور ہری شاخوں پہ نارنجی شگوفے مسکراتے ہیں ملائم سبز پتوں پر پڑی شبنم سنہری دھوپ میں ہیرے کی صورت جگمگاتی ہے درختوں میں چھپی ندی بہت دھیمے سروں میں گنگناتی ہے چمکتے زرد پھولوں سے لدی ننھی پہاڑی کے عقب میں نقرئی چشمہ خوشی سے کھلکھلاتا ہے پرند خوش گلو شاخ شگفتہ پر چہکتا ہے گھنے جنگل میں بارش کا غبار سبز سطح شیشۂ دل پر ملائم انگلیوں سے مرحبا کے لفظ لکھتا ہے کوئی آتا ہے آ کر چادر غم کو بڑی آہستگی سے میرے شانوں سے ہٹا کر سات رنگوں کا دوپٹہ کھول کر مجھ کو اڑاتا ہے میں کھل کر سانس لیتی ہوں مرے اندر کوئی پیروں میں گھنگھرو باندھتا ہے رقص کا آغاز کرتا ہے مرے کانوں کے آویزوں کو یہ کس نے چھوا جس سے لویں پھر سے گلابی ہو گئی ہیں کوئی سرگوشیوں میں پھر سے میرا نام لیتا ہے فضا کی نغمگی آواز دیتی ہے ہوا جام صحت تجویز کرتی ہے
English rendering
Mujhe maloom tha Yeh din bhi dukh ki kokh se phoota hai Meri matami chadar Nahin tabdeel hogi aaj ke din bhi Jo raakh udti thi khwabon ki badan mein Yun hi aashufta rahegi Aur udasi ki yehi soorat rahegi Main apne sog mein matam kunaan Yun sar ba zaano raat tak baithi rahungi Aur mere khwabon ka pursa aaj bhi koi nahin de ga Magar yeh kaun hai Jo yun mujhe bahar bulata hai Badi narmi se kehta hai Ke apne hujra-e-gham se nikal kar bagh mein aao Zara bahar to dekho Door tak sabza bichha hai Aur hari shaakhon pe naranji shagoofe muskurate hain Mulaim sabz patton par padi shabnam Sunehri dhoop mein heere ki soorat jagmagati hai Darakhton mein chhupi nadi Bahut dheeme suron mein gungunati hai Chamakte zard phoolon se ladi nanhi pahadi ke aqab mein Nuqrai chashma khushi se khilkhilata hai Parind khush-galu Shaakh-e-shagifta par chehakta hai Ghane jangal mein barish ka ghubar-e-sabz Sat'h-e-sheesha-e-dil par Mulaim ungliyon se marhaba ke lafz likhta hai Koi aata hai Aa kar chadar-e-gham ko badi aahistagi se Mere shanon se hata kar Saat rangon ka dupatta khol kar mujh ko udaata hai Main khul kar saans leti hoon Mere andar Koi pairon mein ghunghroo baandhta hai Raqs ka aaghaz karta hai Mere kaanon ke aawizon ko yeh kis ne chhua Jis se lawain phir se gulabi ho gai hain Koi sargoshiyon mein phir se mera naam leta hai Fiza ki naghmagi awaz deti hai Hawa jaam-e-sehhat tajweez karti hai