جب کبھی خوبیٔ قسمت سے تجھے دیکھتے ہیں
جب کبھی خوبیٔ قسمت سے تجھے دیکھتے ہیں آئنہ خانے کی حیرت سے تجھے دیکھتے ہیں وہ جو پامال زمانہ ہیں مرے تخت نشیں دیکھ تو کیسی محبت سے تجھے دیکھتے ہیں کاسۂ دید میں بس ایک جھلک کا سکہ ہم فقیروں کی قناعت سے تجھے دیکھتے ہیں تیرے جانے کا خیال آتا ہے گھر سے جس دم در و دیوار کی حسرت سے تجھے دیکھتے ہیں تیرے کوچے میں چلے جاتے ہیں قاصد بن کر اور اکثر اسی صورت سے تجھے دیکھتے ہیں کہہ گئی باد صبا آج ترے کان میں کیا پھول کس درجہ شرارت سے تجھے دیکھتے ہیں تجھ کو کیا علم تجھے ہارنے والے کچھ لوگ کس قدر سخت ندامت سے تجھے دیکھتے ہیں
English rendering
Jab kabhi khoobi-e-qismat se tujhe dekhte hain Aaina khaane ki hairat se tujhe dekhte hain Woh jo pamaal-e-zamana hain mere takht nasheen Dekh toh kaisi mohabbat se tujhe dekhte hain Kasa-e-deed mein bas ek jhalak ka sikka Hum faqiron ki qanaat se tujhe dekhte hain Tere jaane ka khayal aata hai ghar se jis dam Dar-o-deewar ki hasrat se tujhe dekhte hain Tere koochay mein chale jaate hain qasid ban kar Aur aksar isi soorat se tujhe dekhte hain Keh gayi baad-e-saba aaj tere kaan mein kya Phool kis darja shararat se tujhe dekhte hain Tujh ko kya ilm tujhe haarne wale kuch log Kis qadar sakht nadamat se tujhe dekhte hain