کمال ضبط کو خود بھی تو آزماؤں گی
کمال ضبط کو خود بھی تو آزماؤں گی میں اپنے ہاتھ سے اس کی دلہن سجاؤں گی سپرد کر کے اسے چاندنی کے ہاتھوں میں میں اپنے گھر کے اندھیروں کو لوٹ آؤں گی بدن کے کرب کو وہ بھی سمجھ نہ پائے گا میں دل میں روؤں گی آنکھوں میں مسکراؤں گی وہ کیا گیا کہ رفاقت کے سارے لطف گئے میں کس سے روٹھ سکوں گی کسے مناؤں گی اب اس کا فن تو کسی اور سے ہوا منسوب میں کس کی نظم اکیلے میں گنگناؤں گی وہ ایک رشتۂ بے نام بھی نہیں لیکن میں اب بھی اس کے اشاروں پہ سر جھکاؤں گی بچھا دیا تھا گلابوں کے ساتھ اپنا وجود وہ سو کے اٹھے تو خوابوں کی راکھ اٹھاؤں گی سماعتوں میں گھنے جنگلوں کی سانسیں ہیں میں اب کبھی تری آواز سن نہ پاؤں گی جواز ڈھونڈ رہا تھا نئی محبت کا وہ کہہ رہا تھا کہ میں اس کو بھول جاؤں گی
English rendering
Kamāl-e-zabt ko ḳhud bhī toh āzmāūñgī Maiñ apne haath se us kī dulhan sajāūñgī Supurd kar ke use chāñdnī ke hāthoñ maiñ Maiñ apne ghar ke andheroñ ko lauṭ āūñgī Badan ke karb ko voh bhī samajh na pā'e gā Maiñ dil maiñ ro'ūñgī āñkhoñ maiñ muskurāūñgī Voh kyā gayā ke rafāqat ke sāre lutf ga'e Maiñ kis se rūṭh sakūñgī kise manāūñgī Ab us kā fan toh kisī aur se huā mansūb Maiñ kis kī nazm akeliye maiñ gungunāūñgī Voh ek rishta be-nām bhī nahīñ lekin Maiñ ab bhī us ke ishāroñ pe sar jhukāūñgī Bichhā diyā thā gulāboñ ke sāth apnā wujūd Voh so ke uṭhe toh khvāboñ kī rākh uṭhāūñgī Samā'atoñ maiñ ghane jangaloñ kī sāñseñ haiñ Maiñ ab kabhī terī āvāz sun na pāūñgī Javāz ḍhūñḍh rahā thā naī mohabbat kā Voh keh rahā thā ke maiñ us ko bhūl jāūñgī