خیال و خواب ہوا برگ و بار کا موسم
خیال و خواب ہوا برگ و بار کا موسم بچھڑ گیا تری صورت بہار کا موسم کئی رتوں سے مرے نیم وا دریچوں میں ٹھہر گیا ہے ترے انتظار کا موسم وہ نرم لہجے میں کچھ تو کہے کہ لوٹ آئے سماعتوں کی زمیں پر پھوار کا موسم پیام آیا ہے پھر ایک سرو قامت کا مرے وجود کو کھینچے ہے دار کا موسم وہ آگ ہے کہ مری پور پور جلتی ہے مرے بدن کو ملا ہے چنار کا موسم رفاقتوں کے نئے خواب خوش نما ہیں مگر گزر چکا ہے ترے اعتبار کا موسم ہوا چلی تو نئی بارشیں بھی ساتھ آئیں زمیں کے چہرے پہ آیا نکھار کا موسم وہ میرا نام لیے جائے اور میں اس کا نام لہو میں گونج رہا ہے پکار کا موسم قدم رکھے مری خوشبو کہ گھر کو لوٹ آئے کوئی بتائے مجھے کوئے یار کا موسم وہ روز آ کے مجھے اپنا پیار پہنائے مرا غرور ہے بیلے کے ہار کا موسم ترے طریق محبت پہ بارہا سوچا یہ جبر تھا کہ ترے اختیار کا موسم
English rendering
Khayal o khwab hua barg o baar ka mausam Bichhad gaya teri soorat bahaar ka mausam Kai ruttton se mere neem wa darichon mein Thehar gaya hai tere intezar ka mausam Woh naram lehje mein kuch to kahe ke laut aaye Samaaton ki zameen par phuwar ka mausam Payam aaya hai phir ek sarv qamat ka Mere wajood ko kheenche hai daar ka mausam Woh aag hai ke meri poor poor jalti hai Mere badan ko mila hai chinar ka mausam Rafaqaton ke naye khwab khush numa hain magar Guzar chuka hai tere e'tibar ka mausam Hawa chali to nai barishen bhi saath aayen Zameen ke chehre pe aaya nikhaar ka mausam Woh mera naam liye jaaye aur main us ka naam Lahu mein goonj raha hai pukaar ka mausam Qadam rakhe meri khushboo ke ghar ko laut aaye Koi bataye mujhe koo-e-yaar ka mausam Woh roz aa ke mujhe apna pyar pehnaye Mera ghuroor hai bele ke haar ka mausam Tere tareeq-e-mohabbat pe barha socha Yeh jabr tha ke tere ikhtiyar ka mausam