کچھ کم ہوش یہ کہتے ہیں
کچھ کم ہوش یہ کہتے ہیں کہ اس لڑکی کی شاعری میں سوائے بارش کی ہنسی، پھولوں کی مسکراہٹ، چڑیوں کے گیتوں اور اس کی اپنی سرگوشیوں کے اور کچھ نہیں، اگر زندگی سے محبت کرنا جرم ہے تو یہ لڑکی پورے غرور کے ساتھ اپنے جرم کا اعتراف کرتی ہے۔ نیم خوابی کا فسوں بڑی دیر سے ٹوٹتا ہے، پر جب ایسا ہوا تو روزنِ زنداں سے آنے والی، اجنبی سیاہ بخت سر زمینوں کی ہوا کے آنسوؤں کو اس نے اپنی پلکوں پر محسوس کیا ہے، ان کا نمکین ذائقہ، اس کی شہد آشنا زبان نے چکھا ہے، لیکن جو لڑکی بسنت بہار کی نرم ہنسی میں بھیگ چکی ہو، اسے خزاں سے دکھ تو ہوسکتا ہے عناد نہیں، جس کے اکیلے گھر میں شدید چڑیا کا گیت چہرے اگا چکا ہو، اسے سناٹے سے وحشت تو ہوسکتی ہے نفرت نہیں
English rendering
Kuch kam hosh yeh kehte hain Ke is larki ki shayari mein siwaye baarish ki hansi, Phoolon ki muskurahat, Chidiyon ke geeton Aur us ki apni sargoshiyon ke Aur kuch nahi, Agar zindagi se mohabbat karna jurm hai Toh yeh larki poore ghuroor ke saath Apne jurm ka aiteraaf karti hai. Neem khwabi ka fasoon badi der se toot'ta hai, Par jab aisa hua Toh rozan-e-zindan se aane wali, Ajnabi siyah bakht sar zameeno ki hawa Ke aansuon ko us ne apni palkon par mahsoos kiya hai, Un ka namkeen zaiqa, Us ki shehad aashna zuban ne chakha hai, Lekin jo larki basant bahar ki narm hansi Mein bheeg chuki ho, Usay khizan se dukh toh ho sakta hai inaad nahi, Jis ke akele ghar mein Shadeed chidiya ka geet chehre uga chuka ho, Usay sannate se wahshat toh ho sakti hai Nafrat nahi