کچھ فیصلہ تو ہو کہ کدھر جانا چاہیے
کچھ فیصلہ تو ہو کہ کدھر جانا چاہیے پانی کو اب تو سر سے گزر جانا چاہیے نشتر بدست شہر سے چارہ گری کی لو اے زخم بے کسی تجھے بھر جانا چاہیے ہر بار ایڑیوں پہ گرا ہے مرا لہو مقتل میں اب بہ طرز دگر جانا چاہیے کیا چل سکیں گے جن کا فقط مسئلہ یہ ہے جانے سے پہلے رخت سفر جانا چاہیے سارا جوار بھاٹا مرے دل میں ہے مگر الزام یہ بھی چاند کے سر جانا چاہیے جب بھی گئے عذاب در و بام تھا وہی آخر کو کتنی دیر سے گھر جانا چاہیے تہمت لگا کے ماں پہ جو دشمن سے داد لے ایسے سخن فروش کو مر جانا چاہیے
English rendering
Kuchh faisla toh ho ke kidhar jānā chāhiye Pānī ko ab toh sar se guzar jānā chāhiye Nishṭar-ba-dast shehar se chāra-garī kī lo Ae zaḳhm-e-be-kasī tujhe bhar jānā chāhiye Har bār eṛiyoñ pe girā hai mirā lahu Maqtal maiñ ab ba-tarz-e-digar jānā chāhiye Kyā chal sakeñge jin kā faqat mas'ala yeh hai Jāne se pehle raḳht-e-safar jānā chāhiye Sārā javār-bhāṭā mere dil maiñ hai magar Ilzām yeh bhī chāñd ke sar jānā chāhiye Jab bhī ga'e azāb-e-dar-o-bām thā vahī Āḳhir ko kitnī der se ghar jānā chāhiye Tohmat lagā ke māñ pe jo dushman se dād le Aise suḳhan-farosh ko mar jānā chāhiye