پا بہ گل سب ہیں رہائی کی کرے تدبیر کون
پا بہ گل سب ہیں رہائی کی کرے تدبیر کون دست بستہ شہر میں کھولے مری زنجیر کون میرا سر حاضر ہے لیکن میرا منصف دیکھ لے کر رہا ہے میری فرد جرم کو تحریر کون آج دروازوں پہ دستک جانی پہچانی سی ہے آج میرے نام لاتا ہے مری تعزیر کون کوئی مقتل کو گیا تھا مدتوں پہلے مگر ہے در خیمہ پہ اب تک صورت تصویر کون میری چادر تو چھنی تھی شام کی تنہائی میں بے ردائی کو مری پھر دے گیا تشہیر کون سچ جہاں پابستہ ملزم کے کٹہرے میں ملے اس عدالت میں سنے گا عدل کی تفسیر کون نیند جب خوابوں سے پیاری ہو تو ایسے عہد میں خواب دیکھے کون اور خوابوں کو دے تعبیر کون ریت ابھی پچھلے مکانوں کی نہ واپس آئی تھی پھر لب ساحل گھروندا کر گیا تعمیر کون سارے رشتے ہجرتوں میں ساتھ دیتے ہیں تو پھر شہر سے جاتے ہوئے ہوتا ہے دامن گیر کون دشمنوں کے ساتھ میرے دوست بھی آزاد ہیں دیکھنا ہے کھینچتا ہے مجھ پہ پہلا تیر کون
English rendering
Pā ba gul sab hī haiñ rihāī kī kare tadbeer kaun Dast-basta shehar maiñ khole merī zañjeer kaun Merā sar hāzir hai lekin merā munsif dekh le Kar rahā hai merī fard-e-jurm ko tehreer kaun Aaj darvāzoñ pe dastak jānī-pahchānī sī hai Aaj mere nām lātā hai merī ta'zeer kaun Koī maqtal ko gayā thā muddaatoñ pehle magar Hai dar-e-ḳheema pe ab tak sūrat-e-tasveer kaun Merī chādar toh chhinī thī shām kī tanhāī maiñ Be-radāī ko merī phir de gayā tash'heer kaun Sach jahāñ pā-basta mulzim ke kaṭahre maiñ mile Is adālat maiñ sune gā adl kī tafseer kaun Neend jab khvāboñ se pyārī ho toh aise ahd maiñ Khvāb dekhe kaun aur khvāboñ ko de ta'beer kaun Ret abhī pichhle makānoñ kī na vāpas āī thī Phir lab-e-sāhil gharondā kar gayā ta'meer kaun Sāre rishte hijratoñ maiñ sāth dete haiñ toh phir Shehar se jāte hue hotā hai dāman-geer kaun Dushmanoñ ke sāth mere dost bhī āzād haiñ Dekhnā hai khīñchtā hai mujh pe pehlā teer kaun