قید میں گزرے گی جو عمر بڑے کام کی تھی
قید میں گزرے گی جو عمر بڑے کام کی تھی پر میں کیا کرتی کہ زنجیر ترے نام کی تھی جس کے ماتھے پہ مرے بخت کا تارہ چمکا چاند کے ڈوبنے کی بات اسی شام کی تھی میں نے ہاتھوں کو ہی پتوار بنایا ورنہ ایک ٹوٹی ہوئی کشتی مرے کس کام کی تھی وہ کہانی کہ ابھی سوئیاں نکلیں بھی نہ تھیں فکر ہر شخص کو شہزادی کے انجام کی تھی یہ ہوا کیسے اڑا لے گئی آنچل میرا یوں ستانے کی تو عادت مرے گھنشیام کی تھی بوجھ اٹھاتے ہوئے پھرتی ہے ہمارا اب تک اے زمیں ماں تری یہ عمر تو آرام کی تھی
English rendering
Qaid mein guzre gi jo umar bade kaam ki thi Par main kya karti ke zanjeer tere naam ki thi Jis ke maathe pe mere bakht ka taara chamka Chand ke doobne ki baat usi shaam ki thi Main ne haathon ko hi patwaar banaya warna Ek tooti hui kashti mere kis kaam ki thi Woh kahani ke abhi suiyan nikleen bhi na theen Fikr har shakhs ko shehzadi ke anjaam ki thi Yeh hawa kaise uda le gai aanchal mera Yoon satane ki to aadat mere ghanshyam ki thi Bojh uthate hue phirti hai hamara ab tak Ae zameen maa teri yeh umar to aaraam ki thi