تراش کر مرے بازو اڑان چھوڑ گیا
تراش کر مرے بازو اڑان چھوڑ گیا ہوا کے پاس برہنہ کمان چھوڑ گیا رفاقتوں کا مری اس کو دھیان کتنا تھا زمین لے لی مگر آسمان چھوڑ گیا عجیب شخص تھا بارش کا رنگ دیکھ کے بھی کھلے دریچے پہ اک پھول دان چھوڑ گیا جو بادلوں سے بھی مجھ کو چھپائے رکھتا تھا بڑھی ہے دھوپ تو بے سائبان چھوڑ گیا نکل گیا کہیں ان دیکھے پانیوں کی طرف زمیں کے نام کھلا بادبان چھوڑ گیا عقاب کو تھی غرض فاختہ پکڑنے سے جو گر گئی تو یوں ہی نیم جان چھوڑ گیا نہ جانے کون سا آسیب دل میں بستا ہے کہ جو بھی ٹھہرا وہ آخر مکان چھوڑ گیا عقب میں گہرا سمندر ہے سامنے جنگل کس انتہا پہ مرا مہربان چھوڑ گیا
English rendering
Tarash kar mere bazoo udaan chhod gaya Hawa ke paas barahna kamaan chhod gaya Rafaaton ka meri us ko dhyan kitna tha Zameen le li magar aasmaan chhod gaya Ajeeb shakhs tha barish ka rang dekh ke bhi Khule dareeche pe ek phool daan chhod gaya Jo badalon se bhi mujh ko chhupaye rakhta tha Badhi hai dhoop to be-saiban chhod gaya Nikal gaya kahin un dekhe paniyon ki taraf Zameen ke naam khula baadhbaan chhod gaya Uqaab ko thi gharaz fakhta pakadne se Jo gir gai to yoon hi neem jaan chhod gaya Na jaane kaun sa aaseb dil mein basta hai Ke jo bhi thehra woh aakhir makan chhod gaya Uqab mein gehra samundar hai samne jungle Kis inteha pe mera meharban chhod gaya