تازہ محبتوں کا نشہ جسم و جاں میں ہے
تازہ محبتوں کا نشہ جسم و جاں میں ہے پھر موسم بہار مرے گلستاں میں ہے اک خواب ہے کہ بار دگر دیکھتے ہیں ہم اک آشنا سی روشنی سارے مکاں میں ہے تابش میں اپنی مہر و مہ و نجم سے سوا جگنو سی یہ زمیں جو کف آسماں میں ہے اک شاخ یاسمین تھی کل تک خزاں اثر اور آج سارا باغ اسی کی اماں میں ہے خوشبو کو ترک کر کے نہ لائے چمن میں رنگ اتنی تو سوجھ بوجھ مرے باغباں میں ہے لشکر کی آنکھ مال غنیمت پہ ہے لگی سالار فوج اور کسی امتحاں میں ہے ہر جاں نثار یاد دہانی میں منہمک نیکی کا ہر حساب دل دوستاں میں ہے حیرت سے دیکھتا ہے سمندر مری طرف کشتی میں کوئی بات ہے یا بادباں میں ہے
English rendering
Taza mohabbaton ka nasha jism-o-jaan mein hai Phir mausam-e-bahar mere gulistan mein hai Ek khwab hai ke baar-e-digar dekhte hain hum Ek aashna si roshni saare makan mein hai Tabish mein apni mehr-o-mah-o-anjum se siwa Jugnu si yeh zameen jo kaf-e-asman mein hai Ek shakh-e-yasmeen thi kal tak khizan asar Aur aaj sara baagh usi ki aman mein hai Khushboo ko tark kar ke na laaye chaman mein rang Itni toh soojh boojh mere baaghban mein hai Lashkar ki aankh maal-e-ghaneemat pe hai lagi Salaar-e-fauj aur kisi imtihan mein hai Har jaan nisar yaad dehani mein munhamik Neki ka har hisab dil-e-dostan mein hai Hairat se dekhta hai samundar meri taraf Kashti mein koi baat hai ya baadbaan mein hai