تیری خوشبو کا پتا کرتی ہے
تیری خوشبو کا پتا کرتی ہے مجھ پہ احسان ہوا کرتی ہے چوم کر پھول کو آہستہ سے معجزہ باد صبا کرتی ہے کھول کر بند قبا گل کے ہوا آج خوشبو کو رہا کرتی ہے ابر برستے تو عنایت اس کی شاخ تو صرف دعا کرتی ہے زندگی پھر سے فضا میں روشن مشعل برگ حنا کرتی ہے ہم نے دیکھی ہے وہ اجلی ساعت رات جب شعر کہا کرتی ہے شب کی تنہائی میں اب تو اکثر گفتگو تجھ سے رہا کرتی ہے دل کو اس راہ پہ چلنا ہی نہیں جو مجھے تجھ سے جدا کرتی ہے زندگی میری تھی لیکن اب تو تیرے کہنے میں رہا کرتی ہے اس نے دیکھا ہی نہیں ورنہ یہ آنکھ دل کا احوال کہا کرتی ہے مصحف دل پہ عجب رنگوں میں ایک تصویر بنا کرتی ہے بے نیاز کف دریا انگشت ریت پر نام لکھا کرتی ہے دیکھ تو آن کے چہرہ میرا اک نظر بھی تری کیا کرتی ہے زندگی بھر کی یہ تاخیر اپنی رنج ملنے کا سوا کرتی ہے شام پڑتے ہی کسی شخص کی یاد کوچۂ جاں میں صدا کرتی ہے مسئلہ جب بھی چراغوں کا اٹھا فیصلہ صرف ہوا کرتی ہے مجھ سے بھی اس کا ہے ویسا ہی سلوک حال جو تیرا انا کرتی ہے دکھ ہوا کرتا ہے کچھ اور بیاں بات کچھ اور ہوا کرتی ہے
English rendering
Teri khushboo ka pata karti hai Mujh pe ehsaan hawa karti hai Choom kar phool ko aahista se Mo'jiza baad-e-saba karti hai Khol kar band-e-qaba gul ke hawa Aaj khushboo ko riha karti hai Abr baraste to inaayat us ki Shaakh to sirf dua karti hai Zindagi phir se faza mein roshan Mash'al-e-barg-e-hina karti hai Ham ne dekhi hai woh ujli saa'at Raat jab sher kaha karti hai Shab ki tanhai mein ab to aksar Guftugu tujh se raha karti hai Dil ko us raah pe chalna hi nahin Jo mujhe tujh se juda karti hai Zindagi meri thi lekin ab to Tere kehne mein raha karti hai Us ne dekha hi nahin warna yeh aankh Dil ka ahwal kaha karti hai Mushaf-e-dil pe ajab rangon mein Ek tasveer bana karti hai Be-niyaz-e-kaf-e-darya angusht Reit par naam likha karti hai Dekh to aan ke chehra mera Ek nazar bhi teri kya karti hai Zindagi bhar ki yeh taakheer apni Ranj milne ka siwa karti hai Shaam padte hi kisi shakhs ki yaad Koocha-e-jaan mein sada karti hai Mas'ala jab bhi charaghon ka utha Faisla sirf hawa karti hai Mujh se bhi us ka hai waisa hi sulook Haal jo tera ana karti hai Dukh hua karta hai kuch aur bayan Baat kuch aur hua karti hai